काठमाण्डौः नेपाल प्रहरी अस्पतालको मेडिकल डाईरेक्टर (एआईजी) पद रिक्त भएको छ । अस्पतालकी प्रमुख एआईजी डा. दुर्गा थापाले ३० बर्षे सेवाहदका कारण शुक्रबारबाट अवकाश पाएपछि मेडिकल डाइरेक्टर पद रिक्त भएको हो ।
अस्पतालकी प्रमुख एआईजीको अवकाशमा जानेभएपछी अस्पतालको निमित्त निर्देशकको रूपमा बरिष्ठताको आधारमा डीआईजी डा. मीनराज पाठकले जिम्मेवारी पाएका छन् ।
प्रहरी अस्पतालमा मेडिकल डाइरेक्टर बन्न एआईजीमा बढुवा हुनुपर्छ । हाल प्रहरी अस्पतालमा अहिले तीन जना डीआईजी कार्यरत रहेका छन् ।
डा. पाठकसँगै बरिष्ठ प्रसूति तथा स्त्रीरोग विशेषज्ञ डा आशा सिंह र बरिष्ठ हाडजोर्नीरोग विशेषज्ञ डा सुमनराजा श्रेष्ठ पनि डिआईजी पदमै कार्यरत छन् । यस हिसावले एआईजी पदमा उनीहरुको पनि सम्भावना हटिसकेको छैन ।
यद्धपी अहिलेसम्म बरिष्ठताको आधारमा र निमित्तलाई नै पछि पूर्ण निर्देशकको जिम्मेवारी दिने चलनले पाठकको सम्भावना बलियो भएको अस्पताल स्रोतको दावी छ । सेवाको हिसावले उनको बहाली भएमा करिब चार बर्ष अस्पतालको प्रमुख सम्हाल्नेछन् ।
