सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

गार्मा माध्यमिक विद्यालयमा एक करोड १५ लाखको अक्षयकोष स्थापना

२०८३ भाद्र १७, बुधबार
शेयर गर्नुहोस:
फन्ट परिवर्तन गर्नुहोस: अ अ अ

सोलुखुम्बु, १७ भदौः सोलुखुम्बुको सोलुदुधकुण्ड नगरपालिका–७ स्थित गार्मा माध्यमिक विद्यालयले विद्यालयको दीर्घकालीन आर्थिक स्रोतका लागि रु एक करोड १५ लाखको अक्षयकोष स्थापना गरेको छ ।

विद्यालयको नियमित खर्चका लागि बर्सेनी अनुदान र चन्दामा निर्भर हुनुपर्ने अवस्था अन्त्य गर्दै दिगो आम्दानीको स्रोतका लागि अक्षयकोष स्थापना गरिएको हो ।

विद्यालयका लागि रु एक करोडको अक्षयकोष स्थापना गर्ने लक्ष्यसहित सुरु गरिएको अभियानबाट लक्ष्यभन्दा रु १५ लाख बढी रकम सङ्कलन भएको उक्त पालिका–७ का वडाध्यक्ष सोनाम ग्याल्जेन शेर्पाले जानकारी दिनुभयो ।

अक्षयकोष स्थापनाको अभियानमा देश तथा विदेशमा रहेका पूर्वविद्यार्थी र गार्मासँग जोडिएका व्यक्तिले मन खोलेर सहयोग गर्नुभएको थियो । सङ्कलित रकम विद्यालयका प्रधानाध्यापक विनोद सिंह तामाङ र विद्यालय व्यवस्थापन समितिका अध्यक्ष दोमी शेर्पालाई हस्तान्तरण गरिएको छ । अक्षयकोषबाट प्राप्त ब्याज विद्यालयको शैक्षिक गुणस्तर अभिवृद्धि, विद्यार्थीको हित, शैक्षिक पूर्वाधार र सामग्री व्यवस्थापनमा खर्च गरिने जनाइएको छ ।

अक्षयकोषको ब्याजबाट नियमित आम्दानी प्राप्त हुने भएकाले स–साना काममा दाताबाट आस गर्न नपर्ने वडाध्यक्ष शेर्पा बताउनुहुन्छ । उहाँले भन्नुभयो “अक्षयकोषको उद्देश्य रकम सङ्कलन गरेर तत्काल खर्च गर्नु होइन, विद्यालयका लागि दीर्घकालीन आम्दानीको स्रोत तयार गर्नु हो”, उहाँले भन्नुभयो, “यसबाट प्राप्त हुने आम्दानीलाई शैक्षिक गुणस्तर सुधार, विद्यार्थीको हित र विद्यालयको दिगो आर्थिक व्यवस्थापनमा उपयोग गरिनेछ ।

मुलुकका सामुदायिक विद्यालयले शिक्षक तथा कर्मचारीको नियमित खर्चबाहेक शैक्षिक सामग्री, प्रयोगशाला, सूचना प्रविधि, पुस्तकालय, विद्यार्थीको अतिरिक्त क्रियाकलाप, छात्रवृत्ति तथा भौतिक पूर्वाधारका लागि अतिरिक्त स्रोत खोज्नुपर्ने अवस्था छ ।

उक्त परिस्थितिमा विद्यालयकै नाममा स्थापना गरिएको अक्षयकोषले दीर्घकालीन आर्थिक स्रोत निर्माण गर्न सहयोग पुर्‍याउने अपेक्षा गरिएको छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

सुदूरपश्चिम विश्वविद्यालयमा राष्ट्रिय ह्याकाथन प्रतियोगिता सुरु

फोहरलाई स्रोतका रूपमा उपयोग गर्न प्रेरित गर्दै ‘आरयू फेस्ट’

विकेन्द्रीकरण विस्तारको तयारीमा त्रिवि

त्रिविले खुलायो M.Ed. र MSSEd विद्यार्थीलाई परीक्षा केन्द्र रोज्ने सुविधा

प्रवासीको सहयोगमा विद्यालय भवन निर्माण

विद्यालयका निम्ति जग्गा खरिद गर्न देउसीभैलोबाट जुट्यो नौ लाख

चिनियाँ दूतावासले बलान बिहुलमा शैक्षिक तथा स्वास्थ्य सामग्री सहयोग

अन्तरराष्ट्रिय शैक्षिक सहकार्य विस्तार गर्न त्रिविद्वारा ‘कन्ट्री फोकल पर्सन’ को आह्वान

टर्कीका शिक्षामन्त्रीसँगै मन्त्री पोखरेलको विद्यालय अवलोकन : बालमैत्री र हरित शिक्षाका अभ्यासबारे चासो

जलवायु अनुकूलनका लागि ‘राष्ट्रिय पाठ्यक्रम प्रारूप’ परिमार्जन गर्दैछौँ: शिक्षामन्त्री पोखरेल

निधि भवन राजर्षी जनक विश्वविद्यालयलाई हस्तान्तरण

गाउँमै उद्यम र रोजगारी सिर्जना गर्ने सम्भावना खोज्दै विद्यार्थी