सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

बाल यौन शोषण रोकथाम दिवस आज

२०८३ मंग्सिर २, बुधबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ, २ मङ्सिरः बालबालिकामाथि हुने यौन शोषण, दुव्र्यवहार तथा हिंसा रोकथाम दिवस हो । आजदेखि नै रोगाणुरोधी औषधिप्रतिको प्रतिरोध (एएमआर) बारे चेतना अभिवृद्धि गर्ने उद्देश्यले विश्वका विभिन्न मुलुकमा अभियान सुरु भएको छ ।

संयुक्त राष्ट्रसङ्घको आह्वानमा हरेक वर्ष नोभेम्बर १८ मा बालबालिकामाथि हुने यौन शोषण, दुव्र्यवहार तथा हिंसा रोकथाम र त्यसबाट प्रभावितको उपचार तथा पुनःस्थापनासम्बन्धी यो विश्व दिवस मनाइन्छ । राष्ट्रसङ्घको महासभाले सन् २०२२ नोभेम्बर ७ मा प्रस्ताव पारित गरी नोभेम्बर १८ लाई उक्त दिवसका रूपमा मनाउने घोषणा गरेको हो ।

बालबालिकामाथिको यौन शोषण र दुव्र्यवहार मानव अधिकारको उल्लङ्घन हुनुका साथै सार्वजनिक स्वास्थ्यको गम्भीर समस्या हो । यसले बालबालिकाको शारीरिक तथा मानसिक स्वास्थ्य र विकासमा दीर्घकालीन असर पार्न सक्छ । यस्ता घटना रोक्न, पीडितलाई न्याय र उपचारमा पहुँच सुनिश्चित गर्न तथा दोषीलाई जवाफदेही बनाउन दिवसले जोड दिन्छ । अनलाइन तथा प्रत्यक्ष रूपमा हुने यौन शोषण, दुव्र्यवहार र हिंसा अन्त्य गर्न जनचेतना बढाउनुका साथै पीडितप्रतिको सामाजिक लाञ्छना हटाउन पनि राष्ट्रसङ्घले आह्वान गरेको छ ।

यसैगरी, ‘एक स्वास्थ्य, एक कार्यः एएमआर अहिले नै रोकौँ’ आजदेखि नोभेम्बर २४ सम्म विश्व रोगाणुरोधी प्रतिरोध सचेतना सप्ताह मनाइँदैछ । मानिस, पशुपक्षी, वनस्पति र वातावरणको स्वास्थ्य एकअर्कासँग जोडिएकाले औषधिप्रतिको प्रतिरोध रोक्न सबै क्षेत्रको संयुक्त प्रयास आवश्यक रहेकामा अभियानले जोड दिएको छ ।

विश्व स्वास्थ्य सङ्गठनका अनुसार ब्याक्टेरिया, भाइरस, ढुसी तथा परजीवीमा समयक्रमसँगै परिवर्तन आएर तिनलाई नियन्त्रण गर्न प्रयोग गरिने औषधिले प्रभावकारी रूपमा काम नगर्ने अवस्थालाई रोगाणुरोधी प्रतिरोध भनिन्छ । यस्तो प्रतिरोध बढ्दै जाँदा एन्टिबायोटिकलगायत औषधि प्रभावहीन बन्ने र सङ्क्रमणको उपचार कठिन वा असम्भव हुने जोखिम बढ्छ ।

एन्टिबायोटिक तथा अन्य रोगाणुरोधी औषधिप्रतिको बढ्दो प्रतिरोध नियन्त्रण गर्न सन् २०१५ मेमा सम्पन्न विश्व स्वास्थ्य सङ्गठनको ६८औँ विश्व स्वास्थ्य सभाले विश्वव्यापी कार्ययोजना अनुमोदन गरेको हो । उक्त योजनाको प्रमुख उद्देश्य प्रभावकारी सञ्चार, शिक्षा र तालिममार्फत एएमआरबारे चेतना अभिवृद्धि गर्नु हो ।

एएमआर नियन्त्रणका लागि औषधिको उचित प्रयोग, सङ्क्रमण रोकथाम, सरसफाइ तथा सुरक्षित खाद्य प्रणालीको प्रवद्र्धन र मानिस, पशुपक्षी तथा वातावरणको स्वास्थ्यलाई एकीकृत रूपमा सम्बोधन गर्नुपर्नेमा सङ्गठनले जोड दिएको छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

कम उमेर र जबर्जस्ती विवाह अन्त्यका लागि ध्यानाकर्षण

बाली भित्र्याए पनि भकारी जोगाउनै मुस्किल

दुई महिनादेखि खत्याड–रारा सडक अझै अवरुद्ध

काठमाडौंका यी क्षेत्रमा आज र भोलि ५ घण्टा विद्युत् अवरुद्ध हुने

सवारी दुर्घटनामा एकको मृत्यु, चार घाइते

नागढुंगा-मुग्लिन सडक आजदेखि पाँच घण्टा बन्द

नागढुङ्गा-मुग्लिन सडक दैनिक पाँच घण्टा बन्द हुने

भोटेकोशी बाढीपीडितलाई नगद राहत

रुबीभ्यालीमा सडक दुर्घटनाः एकको मृत्यु, नौ जना घाइते

हाइड्रो हेरिटेज पर्यटनको गन्तव्य फर्पिङ

कम्पनीलाई वार्षिक विवरण र कर दाखिला गर्न पुस मसान्तसम्म समय थप

सार्वजनिक शौचालयलाई अनिवार्य सेवाका रुपमा सञ्चालन गर्न निर्देशन