काठमाण्डौः विभिन्न जलविद्युत आयोजनाबाट उत्पादन हुने विद्युत खरिद बिक्री दर निर्धारण तथा विद्युत खरिद सम्झौता सम्वन्धी सार्वजनिक सुनुवाई कार्यक्रम सम्पन्न भएको छ ।
आज सोमबार १३९.२ मेगावाटको तल्लो मनाङ मस्याङ्दी आयोजना, १०२ मेगावाटको माथिल्लो मस्याङ्दी जलविद्युत आयोजना १ र १६६ मेगावाटको सुपर तमोर जलविद्युत आयोजनाको विद्युत खरिद दर निर्धारण सम्वन्धमा सार्वजनिक सुनुवाई सम्पन्न भएको हो ।
विभिन्न ३ जलविद्युत आयोजनाबाट उत्पादन हुने विद्युतको खरिदबिक्री दर निर्धारण तथा विद्युत खरिद सम्झौतामा सहमतिको लागि पेस भएको निवेदन उपर छलफल गर्न सार्वजनिक सुनुवाइ कार्यक्रम गरिएको हो । विद्युत नियमन आयोग सानोगौचरण काठमाडौंमा कार्यक्रम भएको हो ।
आयोगका अध्यक्ष दिल्ली बहादुर सिंहले कुनै पनि विवादमा नफसी काम गर्नुपर्ने तथा समयमै सम्पन्न गर्नुपर्ने बताए । सार्वजनिक सुनुवाईमा उपभोक्ता, उद्योगी व्यवसायी, स्थानीय बासिन्दा, स्थानीय तहका प्रतिनिधी लगायत सहभागि थिए ।
सम्बन्धित तस्बिरहरू
