काठमाण्डौ: पत्रकार तथा लेखक डिबी खड्काद्वारा लिखित ‘नियत’ नामक पुस्तक सार्वजनिक गरिएको छ।
सोमबार कमलादीस्थित प्रज्ञा प्रतिष्ठानमा नेपाली चलचित्र जगतकि ३ अभिनेत्रीले खड्काको पुस्तक नियत सार्वजनिक गरेका हुन्।
सो पुस्तकलाई नायिका रेखा थापा, स्वस्तिमा खड्का , लक्ष्मी बर्देवा, नेपाल लाइभका सम्पादक नारायण अमृत र अमर खड्काले सार्वजनिक गरेका हुन्। लेखक खड्काले लामो समय चलचित्र पत्रकारीता गरेको अनुभवमा कलाकारिता क्षेत्रमा भएको राम्रो नराम्रो पक्ष केलाएर पुस्तक लेखेका हुन्।
उक्त पुस्तकमा रंगीन दुनियाँको रंगहीन क्षेत्र उल्लेख गरिएको साथै कलाकारिता क्षेत्रमा प्रवेश गर्दा वा संघर्ष गरिरहँदा कलाकारले भोगेका कथा र उनीहरूमाथि त्यही क्षेत्रका मानिसहरूले राखेको गलत नियतका कथाहरूलाई पुस्तकमा समेटेको खड्काको भनाई छ।
