काठमाण्डौं: इन्डियन आइडलकी जर्ज र होस्ट आदित्यनारायण र नेहा कक्कडको जोडी विवाह पक्का भएको छ ।
इन्डियन आइडल सिजन ११ मा निकै समयदेखि चर्चा भइरहेको नेहा र आदित्य दुवैको विवाह हुने पक्का भएको हो । सोनी टिभिले ‘काटे नहीं कटते दिन ये रात’ बोलको गीतमा नृत्यमा रोमान्स गरिरहेको एक भिडियो सेयर गरेको छ। भिडियोको क्याप्सनमा ‘१४ फेबुअरी मिति याद गर्नुहोस् किनभने यो दिन आदित्य र नेहा विवाह गर्दैछन्।’ लेखिएको छ ।

इन्डियन आइडलको मञ्चमा आदित्य र नेहाको परिवार पनि पाहुनाको रूपमा उपस्थित भइसकेका छन्। दुबैको परिवारले विवाहको लागि मञ्जुरी दिएका छन् । उदितनारायण त निकैअघि यस विवाहको लागी स्विकारोक्ति रहेका छन् ।
उदितनारायणका साथै उनकी श्रीमती दीपानारायण पनि नेहालाई आफ्नो घरको बुहारी बनाउन आतुर छन्। इन्डियन आइडल ११ को सेटमा भ्यालेन्टाइन्स डे स्पेसल एपिसोडमा यी दुईले सात फेरो पनि लिने सोनी टीभीले जनाएको छ।

यसबाहेक नेहा कक्कड र आदित्यनारायणले पनि सोसल मिडियामा समेत यसबारे पोष्ट गरेका छन्। नेहाले पनि ‘फेब्रुअरी १४’ लेख्दै इन्स्टाग्राममा फोटो पोस्ट गरेकी छिन् ।
