सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

देउवाजीले चाहनुभयो भने संसदीय दलको नेता पनि देउवाजी र प्रधानमन्त्री पनि उहाँ नै हो । – रमेश लेखक (अन्तवार्ता)

२०७९ मंग्सिर १४, बुधबार
शेयर गर्नुहोस:
फन्ट परिवर्तन गर्नुहोस: अ अ अ

कांग्रेसभित्र संसदीय दलको नेताका आकांक्षी धेरै देखिए नि ?

संसदीय दलको नेतामा दाबी गर्ने कुरा स्वभाविक हो । फलानोलाई संसदीय दलको नेता बनाउँछु भनेर भन्नु र मतदान गर्नु पनि लोकतान्त्रिक प्रक्रिया हो ।

मुख्यतः सभापति र महामन्त्री गगन थापाबीचमा प्रतिस्पर्धा हुनेजस्तो देखिन्छ होइन त ?

अहिलेको परिस्थितिमा शेरबहादुर देउवाजीले चाहनुभयो भने संसदीय दलको नेता पनि देउवाजी र प्रधानमन्त्री पनि उहाँ नै हो ।

देउवाले नचाहेर नयाँलाई अवसर दिने सम्भावना पनि छ ?

उहाँले आफैंले म उठ्दिन भन्नुभयो भने फरक कुरा हो । तर, उहाँले भन्नुहुन्न होला ।

कांग्रेसभित्र नेतृत्व पुस्तान्तरण हुनुपर्छ भन्ने मतको अगुवाइ महामन्त्री गगन थापाले गरिरहेका छन् । तपाईंहरु नयाँ अनुहारलाई संसदीय दलको नेता र प्रधानमन्त्री बनाउन किन अनुदार ?

पुस्तान्तरण भइराखेकै छ । युवा नेताहरु महामन्त्री भइसक्नुभएको छ । विस्तारै उहाँ (गगन थापा) प्रधानमन्त्री हुने सम्भावना पनि प्रबल हुँदै गएको छ । तर, अहिले होइन ।

हामीले परिस्थिति हेर्नुपर्छ । सत्ता गठबन्धनको नेतृत्व शेरबहादुर देउवाजीले गर्नुभएको छ । अहिलेको चुनाव भनेको गठबन्धनकै निरन्तरता हो । फेरि गठबन्धनमा सबैलाई मिलाएर अगाडि बढ्नुपर्ने हुन्छ । सरकार बनाउनका लागि पनि बहुमत पुर्‍याएर जानुपर्ने छ । यसमा शेरबहादुरजीको विशेष क्षमता र दक्षता छ ।

यसकारण गठबन्धनलाई कायम राखेर अगाडि बढ्न पनि उहाँको आवश्यकता पर्छ । पार्टीमा निर्वाचित भएर आएका माननीयहरू र समानुपातिक सूचीबाट आउनेहरु पनि शेरबहादुर देउवाजीकै पक्षमा भएको हुनाले उहाँ नै फेरि संसदीय दलको नेता बन्नुहुनेछ ।

यसको अर्थ देउवा संसदीय दलको नेता भएनन् भने सत्ता गठबन्धन भत्किन्छ र राजनीतिक कोर्स अर्कैतिर मोडिन सक्छ ?

त्यस्तो होइन, सबैलाई मिलाएर जान सक्ने क्षमता देउवासित देखिएको छ । गठबन्धनको नेतृत्व पनि उहाँले नै गर्नुभएको हुनाले उहाँलाई नै निरन्तरता दिँदा गठबन्धनलाई सहज हुन्छ भन्ने हो ।

नेपालको राजनीतिमा देउवाको आवश्यकता अब कति पटक पर्छ ?

अहिलेको सत्ता गठबन्धनलाई निरन्तरता दिनका लागि उहाँको आवश्यकता छ । संविधान, संघीय लोकतान्त्रिक गणतन्त्रात्मक व्यवस्थाको रक्षा अहिलेको गठबन्धन मार्फत गर्नुपर्ने छ । यो आवश्यकता रहँदासम्म उहाँको आवश्यकता रहन्छ ।

देउवालाई कति चोटी प्रधानमन्त्री बनाउने भनेर प्रश्न गर्नेहरुलाई के भन्नुहुन्छ ?

त्यो त परिस्थितिले निर्धारण गर्छ । अहिलेको परिस्थितिले नै देउवालाई संसदीय दलको नेता र प्रधानमन्त्री मागेको देखिराखेको छु ।

वर्तमान सत्ता गठबन्धनकै सरकार बन्नेमा तपाईं ढुक्क हुनुहुन्छ ?

गठबन्धनकै सरकार बन्नेमा विश्वास छ ।

नेकपा एमालेले पनि त सरकार बनाउने प्रयास गरिरहेको होला नि ?

तयारी त सबैले गर्ने नै भए । तयारी गर्ने हदसम्म दुविधा रहेन । तर, गठबन्धनको निरन्तरता हुनेमा मलाई पूर्ण विश्वास छ ।

तत्कालिन नेकपामा भागवण्डामै कुरा नमिल्दा एमाले र माओवादी अलग हुने परिस्थिति बन्यो । एमाले पनि सग्लो रहेन । अहिले गठबन्धनको भविष्यमाथि प्रश्न गर्नेहरुलाई के भन्नुहुन्छ ?

यदि एमाले र माओवादीको गठबन्धनको सम्भावनाको कुरा गर्नुभएको हो भने ढुक्क भए हुन्छ त्यो असफलसिद्ध भइसकेको गठबन्धन हो । एमाले र माओवादीको गठबन्धन बनेर पार्टी नै एकता गरिसकेको हो । तर, त्यो गठबन्धनले न संविधानको रक्षा गर्न सक्यो न विकास दिन सक्यो न आफ्नै पार्टी जोगाउन सक्यो । आफ्नै पार्टीलाई तीन चार टुक्रा पारेर आएको त्यही गठबन्धनको सम्भावना फेरि छ भन्ने हो भने कुरा नबुझेको ठहरिन्छ ।

भनेपछि सत्ता साझेदारीमा कांग्रेस लचिलो हुन्छ ?

कांग्रेसले लचिलो भएर पनि गठबन्धनलाई अगाडि बढाउँछ । अनलाइनखबर

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

‘जनतासँग टुटेको सम्बन्ध जोड्नु नै एमाले पुनरुत्थानको पहिलो सर्त हो’ : एमाले नेता, प्रदीप ज्ञवाली (अन्तवार्ता)

‘अदालतबाट शेरबहादुर देउवाको नेतृत्वले वैधानिकता पाउनेमा विश्वस्त छौँ’ : डा. प्रकाशशरण महत (अन्तवार्ता)

जलवायु वित्त परिचालनको प्रक्रिया सरल र अनुमानयोग्य हुनुपर्छः परराष्ट्रमन्त्री खनाल (अन्तवार्ता)

जलवायु न्याय हाम्रो अधिकार हो, यही आवाजका साथ कोप-३१ मा सहभागी हुँदैछौँ : मन्त्री चौधरी (अन्तवार्ता)

१८ करोडको चर्चा निराधार, निष्पक्ष अनुसन्धान हुनुपर्छ : कांग्रेस महामन्त्री, उदयशमशेर राणा (अन्तवार्ता)

‘रास्वपासँग फेरि एकता गर्ने योजना छैन, उज्यालो नेपाललाई आफ्नै रोडम्यापअनुसार अघि बढाउँछौँ’ : कुलमान घिसिङ

दसैँ मनाउनुहोस्, तर मुटु जोगाउनुहोस्ः वरिष्ठ मुटुरोग विशेषज्ञ डा लम्साल (अन्तवार्ता)

‘ओली-प्रचण्डकै कारण कम्युनिस्ट आन्दोलन किनारामा पुग्यो’ : हरिबोल गजुरेल (अन्तवार्ता)

‘अधिवेशन बिथोल्न क्षेत्रीय सभापतिकै योजनामा फलामको भाटासहित आक्रमण गरियो’ : डा. डिला संग्रौला (अन्तवार्ता)

‘संविधान लोकतान्त्रिक छ, यसलाई बचाएर लैजान्छन् भन्ने विश्वास छ’ : पूर्वराष्ट्रपति रामबरण यादव (अन्तवार्ता)

‘तिहार–छठपछि सरकारलाई खबरदारी गर्न वैचारिक आन्दोलन गर्छौं’ : जसपा अध्यक्ष, उपेन्द्र यादव (अन्तवार्ता)

भोटेकोशी बाढीपीडितलाई दसैंअघि अस्थायी घर, दुई वर्षभित्र स्थायी बस्ती उपलब्ध गराउछौं : पूर्वाधारमन्त्री, सुनिल लम्साल