शेयर गर्नुहोस:
फन्ट परिवर्तन गर्नुहोस:
अ
अ
अ
यो वर्षको गोपाल योञ्जन स्मृति पुरस्कार वरिष्ठ गायक प्रकाश श्रेष्ठलाई प्रदान गरिएको छ ।
गोपाल योञ्जनको ७६औं जन्मजयन्तीका अवसरमा बिहीबार ललितपुरमा आयोजित कार्यक्रममा श्रेष्ठलाई सम्मानित गरिएको हो ।
शुभारम्भ द म्यूजिकल जर्नीले गरेको कार्यक्रममा गोपाल योञ्जनका विभिन्न गीत–संगीत प्रस्तुत गरिएको थियो ।
नेपाली गीत–संगीतका हरेक विधामा आफ्नो गला, कला र शब्दका माध्यमबाट उत्कृष्ट छाप छाडेका योञ्जनको २०५४ सालमा ५४ वर्षको उमेरमा निधन भएको थियो ।
‘देशले रगत मागे मलाई बलि चढाऊ’, ‘धेरै छ गर्नु स्वदेशको सेवा’, ‘बनेको छ पहराले यो छाती मेरो’जस्ता कालजयी गीतमा स्व. योञ्जनले स्वर दिएका छन् । स्वरसम्राट नारायणगोपालले गाएका थुप्रै गीतमा उनको संगीत रहेको छ ।
