काठमाडौंः दशैंका अवसरमा उपत्यका छाड्ने सर्वसाधारणहरु बढेसँगै उपत्यकाका बिभिन्न नाकामा सवारी साधानको चाप बढेको छ । जगाती, कलंकी, बालाजु, बल्खु, कोटेश्वरलगायत नाकामा सवारी साधनको चाप बढेको ट्राफिक कार्यालयले जनाएको हो ।
उपत्यकाबाट पछिल्लो दिनमा सवारी साधन रिर्जभ गरेर जानेको संख्या पनि बढेका कारण सवारीको पनि चाप बढेको हो । अहिले उपत्यका भित्रनेको तुलनामा बाहिरिनेको संख्या निकै बढी छ, यो क्रम फूलपातीसम्म जारी रहने देखिएको छ ।
घर फर्कनेको पाँच बढेपछि सहजरुपमा सवारी साधन नपाउने, बढी भाडा लिने, एउटै सिटको दोहोरो टिकट काट्ने लगायतका समस्या दिएर सर्वसाधारण आउने गरेको नागरिकता सहायता कक्षमा बसेका ट्राफिक प्रहरीहरुले बताएका छन् ।
सर्वसाधारणलाई ठगिन नदिन नाकामा ट्राफिक प्रहरीहरु बसेर बढी भाडा लिए नलिएको चेकजाँच पनि गरिरहेका छन् । कामका लागि देश बाहिर रहेका र देशभित्र पनि शहरी क्षेत्रमा बस्दै आएकाहरु दशँैमा घर फर्कने गरेका छन् ।