काठमाण्डौः ‘नेपालका लागि नेपाली’ अभियानका अभियन्ता ज्ञानेन्द्र शाहीमाथि चितवनमा आक्रमण भएको छ ।
चितवनको चौबिस कोठीमा अभियानले आयोजना गरेको कार्यक्रममा युवा तथा विद्यार्थी समुह प्रवेश गरी शाहीमाथी आक्रमण गरेको हो । उक्त अभियानको पूर्व निर्धारित कार्यक्रम अनुसार चितवनको चौबिसकोठीमा भ्रष्टचार बिरोधी अभियान अन्तर्गत बिरोध सभाको आयोजना गरिएको थियो ।
सत्तारुढ नेपाल कम्युनिस्ट पार्टी (नेकपा) सम्वद्ध युवा तथा विद्यार्थीहरूको समुहले उक्त स्थलमा कार्यक्रम गर्न नदिइने भन्दै शाहीमाथी एक्कासि आक्रमण गरेका थिए । घटनामा संलग्न भएको आशंकामा प्रहरीले एक जनालाई नियन्त्रणमा लिएको जनाएको छ ।
आक्रमणमा परि शाही लगायत चार जना गम्भिर घाइते भएको र उनीहरूलाई प्रहरीले उद्दार गरी चितवन मेडिकल अस्पतालमा इमर्जेन्सिमा राखेर उपचार भइरहेको अभियानका संयोजक बरिष्ट अधिबक्ता सुरेन्द्र भण्डारीले जनाएका छन् ।
