काठमाण्डौ: धादिङको सेमजोङबाट धादिङबेसीतर्फ जाँदै गरेको बा ४ ख ५७९३ नम्बरको यात्रुवाहक बस तिव्र गतिका कारण अनियन्त्रित भई दुर्घटना हुँदा ५ जना घाइते भएका छन् ।
धादिङबेसी साङ्कोष तिप्लिङ सडकखण्ड अन्तर्गत नीलकण्ठ नगरपालिकाको १३ स्थित केरौजामा दुर्घटना बिहान दुर्घटनामा परेको हो । उक्त बसमा यात्रारत ५ जना घाइते भएका छन् । घाइते मध्ये ४ जनाको अवस्था अत्यन्तै गम्भीर रहेको छ भने १ जना बिरामीको अवस्था सामान्य रहेको प्रहरीले जनाएको छ ।
गम्भीर घाइते हुनेहरुमा नेत्रावती गाउँपालिका वडा नं ५ का ५८ बर्षीय दल बहादुर तामाङ, ६० बर्षीय शान्त माया गुरुङ, सोही वडाका ६९ बर्षीय हस्तकुमारी तामाङ र ४५ बर्षिय चेन्डे दमाई रहेका छन् ।
यसैगरी सामान्य घाईते नेत्रवाती गाउँपालिका ५ की २० बर्षीय लक्ष्मी गुरुङ रहेकी छन् । दुर्घटनामा परी घाइते भएकाहरुलाई घटनास्थलबाट उद्धार गरी जिल्ला अस्पताल धादिङ लगिएको थियो ।
घाइतेहरु सबै नेत्रवती गाउँपालिकाबाट धादिङबेसीमा चाड पर्वको लागि सामान किन्न गएका थिए । गम्भीर घाईते भएका ४ जनालाई नेपाली सेनाको हेलिकप्टरबाट थप उपचारको लागि काठमाडौँ तर्फ लिएर गएको प्रहरीले बताएका छन् । बाँकी १ जनाको धादिङ्ग अस्पतालमा उपचार भइरहेको पत्रकार पोषनाथ अधिकारीले जनाएका छन् ।
