काठमाण्डौः प्रचण्ड, योगेश भट्टराई, रेणु दाहाल र चितवनका एसपीको योजना र निर्देशनमा ज्ञानेन्द्र शाहीमाथी शनिवार सांघातिक आक्रमण भएको भन्दै मानवअधिकार आयोगमा उजुरी दर्ता भएको छ ।
नेपालका लागि नेपाली अभियानका संयोजक अधिवक्ता डा. सुरेन्द्र भण्डारी लगायतको समुहले आईतबार पूल्चोक हरिहरभबन स्थित राष्ट्रिय मानवअधिकार आयोगका निर्देशक मुरारी प्रसाद खरेल समक्ष लिखित उजुरी दर्ता गरेको हो ।
उजुरीमा सत्तारूढ (नेकपा)का अध्यक्ष पुष्पकमल दाहाल (प्रचण्ड), संस्कृति पर्यटन तथा नागरिक उड्डयनमन्त्री योगेश भट्टराई, भरतपुर महानगरपालिकाकी मेयर रेणु दाहाल र चितवनका एसपी दान बहादुर मल्लको योजना र निर्देशनमा शाहीमाथी सांघातिक हमला भएको आरोप लगाइएको छ ।
नेपालका लागि नेपाली अभियानका अभियन्ता ज्ञानेन्द्र शाहीमाथी शनिवार चितवनको चौबिसकोठीमा सांघातिक हमला भएको थियो ।
अभियानले आईतबार अपरान्ह चार बजे माइतिघर मण्डलामा ज्ञानेन्द्र शाही माथी चितवनमा गरिएको हमलाको बिरोधमा बिरोध प्रदर्शन गर्ने तयारी गरेको अभियानका संयोजक डा. सुरेन्द्र भण्डारीले बताएका छन् ।
