काठमाण्डौं: चिनियाँ राष्ट्रपति सि जिनपिङ्गको नेपाल भ्रमण यहि असोज २५ गते हुने लगभग पक्का भएको छ ।
नेपाल आउनु पूर्व चिनियाँ राष्ट्रपति सि जिनपिङ पहिलो दिन अक्टोबर ११ मा भारतको चेन्नाइ आइपुग्ने, दोस्रो दिन अक्टोबर १२ मा काठमाडौंमा आउने र १३ मा बेइजिङ उड्ने कार्यक्रम सार्वजनिक भएको स्रोतले जनाएको छ ।
यसअघि नै भ्रमण करिब ९ घन्टाको हुने खबर अनुसार चीनले नेपाल र भारत दुबै देशलाई समान अवशरका रुपमा महत्व दिएको बताइएको छ ।
राष्ट्रपति सिको भ्रमणका अवशरमा नेपाल सरकारले रेल र पुर्वाधारका परियोजना सम्बन्धि कार्यपत्र अगाडी बढाउने तयारी गरेको छ । सोही योजना अनुसार भ्रमणसँग सम्बद्ध अधिकारीहरु पनि प्रस्तुत हुने विषय र परियोजनाको गृहकार्यमा जुटिरहेको बताइएको छ ।
सन् १९७८ मा चिनियाँ नेता देङ सियाओ पेङले १९९६ को डिसेम्बरमा, तात्कालिन चिनियाँ राष्ट्रपति जियाङ जेमिनले २ दिनको भ्रमण र सन २०१२ को जनवरीमा प्रधानमन्त्री वेन जियावाओले पाँच घण्टाका लागि नेपाल भ्रमण गरेका थिए ।
पुर्व राष्ट्रपति हु जिन्ता पनि आफ्नो दुइ कार्यकालमा पनि नेपाल आएका थिएनन, पहिलो कार्यकालमा नेपाल भ्रमण नगरेका राष्ट्रपति सी दोस्रो पटक नेपाल भ्रमणमा आउन लागेका हुन ।
चिनियाँ मेजर जनरलको नेतृत्वमा करिब ढेड दर्जन चिनिया सुरक्षाकर्मीहरूको टोली गतसातादेखी नै नेपालमा रहेका छन् ।
