काठमाण्डौः कोरोनाभाइरसका कारण रोकिएका बलिउडका फिल्मी कामहरु अहिले शुरु भइरहेका छन् । सामाजिक दुरी कायम गरी फिल्मका छायांकनहरु शुरु गर्न थालिएको छ ।
यस्तै बलिउडका चर्चित अभिनेता अक्षय कुमारले पनि आफ्ना रोकिएका फिल्मका छायांकनहरु शुरु गर्न थालेका छन् । उनका धेरै फिल्महरु रिलिज हुन बाकीँ रहेका छन् तर उनी पछिल्लो समय फिल्मको छायांकनमै व्यस्त हुन थालेका छन् । उनी अब फिल्म बेल बटम छायांकनमा लागेका छन् ।
भारतिय मिडियाका अनुसार फिल्म बेल बटमको छायांकनको लागि अक्षय बेलायत उडेका छन् । छायांकनका लागि लण्डन उडेका अक्षयसँगै नायिका ट्विंकल खन्ना र उनका दुई सन्तान पनि रहेको बताइएको छ ।
छायांकनको लागि फिल्मका कलाकार नायिका लारा दत्त, निर्माता ज्याकी भगवानी, निर्देशक रञ्जित एम तिवारी लगायतका कलाकार रहेको भारतिय मिडियामा जनाइएको छ । एजन्सी
