काठमाण्डौँ: ट्रिपरको ठक्करबाट सतुङ्गलमा एक जना मोटरसाइकल चालकको मृत्यु भएको छ । थानकोटबाट कलंकीतर्फ जाँदै गरेको मोटरसाईललाई सतुङ्गलस्थित बागेश्वरी अस्पतालको ओरालोमा ट्रिपरले ठक्कर दिँदा मोटरसाइकलमा सवार १ जनाको घटनास्थलमै मृत्यु भएको छ भने दुर्घटनामा परि एक जना घाइते भएका छन् ।
बा ३ ख ३८१७ नम्वरको ट्रिपरले बा २६ प ४९०३ नम्बरको मोटरसाइकललाई चन्द्रागिरि नगरपालिका ११ सतुङ्गलस्थित बागेश्वरी अस्पतालको ओरालोमा ठक्कर दिँदा एक जनाको घटना स्थलमै मुत्यु भएको हो ।
ट्रिपरको ठक्करबाट मृत्यु हुनेमा चितवन रत्ननगर नपा- १६ का २५ वर्षिय सुनिल अधिकारी रहेका छन् ।
यसैगरी घाईते हुनेमा ललितपुर महाँलक्ष्मी नगरपालिका २ इमाडोल बस्ने वर्ष ४१ का टिका बहादुर बाँनिया रहेको महानगरीय प्रहरी प्रभाग बलम्वुका प्रहरी निरीक्षक शकंर खड्काले बताएका छन् । घाइते बाँनियाको सतुङ्गल स्थित ओम समाज अस्पतालमा उपचार भइरहेको छ । ट्रिपर र ट्रिपर चालकलाई प्रहरी प्रभाग बलम्बुले नियन्त्रणमा लिएको जनाएको छ ।
