काठमाण्डौः अभिनेता सञ्जय दत्त र अभिनेत्री आलिया भट्ट अभिनित फिल्म ‘सडक-२’ को ट्रेलर सर्वाधिक डिसलाइक पाउने भिडियो बनेको छ । बुधबार युट्युबमा सार्वजनिक भएको ‘सडक-२’ को ट्रेलर ट्रेलरलाई धेरैले रुचाएनन् ।
यस ट्रेलरमा लाइक भन्दा धेरै गुणा डिस्लाइक आएको छ । यस समाचार तयार पार्दासम्म यस भिडियालाई ३ लाख २७ हजारले लाइक गरेका छन् भने ६० लाखले डिस्लाइक गरेका छन् ।
यस्तै धेरै डिस्लाइक पाएको भिडियो हेर्दा सन् २०१८ को डिसेम्बर ६ मा सार्वजनिक भएको ‘यूट्युब रिवाइन्ड २०१८: एभ्रिवान कन्ट्रोल्स रिवाइन्ड’ रहेको छ । यसले एक करोड ८१ लाख भन्दा बढी डिस्लाइक पाएको छ ।
फिल्म सडक २ सन् १९९१ मा प्रदर्शनमा आएको सडक को सिक्वेल हो । फिल्मलाई महेश भट्टले निर्देशन र मुकेश भट्टले निर्माण गरेका छन् । २८ अगष्टमा डिजिटल प्लेटफर्मबाट रिलिज हुने तयारीमा रहेको यस फिल्ममा आलिया भट्ट, सञ्जय दत्त, आदित्यराय कपुरलगायतका कलाकारको अभिनय रहेको छ ।
