शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौ: राजधानीको पाको न्युरोड स्थित एक घरमा आगलागी भएको छ । काठमाडौ महानगरपालिका-२२ न्युरोडमा रहेको भाजुराम महर्जनको घरको पाँचौं तलामा बिहीबार राती आगलागी भएको हो ।
भारतको विहार घर भई काठमाण्डौ मलको पहिलो तलामा सुनको जलप जडित गहना पसल सञ्लान गदै आएका राधेश साहुको कोठामा दुर्गा पुजाको लागि बालेको दियोबाट सो आगो सल्किएको प्रहरीले जनाएको छ ।
उक्त आग्लागी नियन्त्रण गर्न कामपाबाट गएको २ वटा जुद्ध वारूण यन्त्रको सहयोगमा नेपाली सेना, नेपाल प्रहरी, शसस्त्र प्रहरी र स्थानिय बासिन्दाहरूले आगो नियन्त्रणमा लिएका थिए ।
उक्त आगलागीबाट नगद ४ लाख, कोठामा रहेको सबै सामान र नक्कली सुनका गहना गरि करिब २० लाख बरावरको क्षति भएको पीडितले बताएका छ्न् । आगलागीबाट कुनै मानवीय क्षति नभएको प्रहरीले जनाएको छ ।
