काठमाण्डौ: जिल्ला प्रहरी कार्यालय पर्साबाट खटिएको प्रहरी टोलीले चोरीका १७ थान मोबाइल सहित चार जना चोरहरूलाइ विरगञ्जका विभिन्न स्थानबाट पक्राउ गरेको छ ।
पक्राउ पर्नेमा पर्सा जिल्ला बिरगञ्ज महानगरपालिका वडा नं. ३ बस्ने मिश्री यादवको छोरा २४ बर्षीय गौरीशंकर यादव, बिरगञ्ज महानगरपालिका वडा नं. १७ बस्ने जोधा राम हरिजनको छोरा २४ बर्षीय मनोज राम हरिजन रहेका छन् ।
यसैगरी बिरगञ्ज महानगरपालिका वडा नं. १४ बस्ने जाकिर अन्सारीको छोरा २२ बर्षिय जमसेद अन्सारी र भारत बिहार जिल्ला पुर्बी चम्पारण बस्ने प्रमेख पटेलको छोरा २२ बर्षीय को विक्रम पटेललाइ पनि प्रहरीले पक्राउ गरेको छ ।
पक्राउ परेका सबै जनालाइ जिल्ला प्रहरीको टोलीले विहिबार र शुक्रबार बिरगञ्जका विभिन्न स्थानबाट नियन्त्रणमा लिएको हो ।
प्रहरीले तिनिहरूको साथबाट नगद नेपाली २१ हजार ७ सय २६ रूपैया तथा भारु १७ हजार नगद र विभिन्न ब्राण्डका मोबाईल फोन १७ वटा सहित फेला पारी नियन्त्रणमा लिई आवश्यक अनुसन्धान कार्य भई रहेको जिल्ला प्रहरी कार्यालय पर्साले जनाएको छ ।
