काठमाण्डौः राष्ट्रिय मानवअधिकार आयोगले महरा-रोशनी काण्डबारे शुक्रबार चासो ब्यक्त गरेको छ ।
गत असोज १२ गते राति तत्कालीन सभामुख कृष्णबहादुर महरा र रोशनी शाहीबीच भएको भनिएको घटनाको अनुसन्धान सम्बन्धमा राष्ट्रिय मानव अधिकार आयोगले ढिलो गरी चासो ब्यक्त गरेको हो ।
आयोगका सचिव एवं प्रवक्ता वेद भट्टराईले एक प्रेश विज्ञप्ती जारी गरी घटना घटेकै दिनदेखिका सञ्चार सूचनाको अनुगमन गरिरहेको जनाएको छ ।
त्यस्तै आयोगले उक्त घटनाको अनुसन्धान सम्बन्धमा नेपाल प्रहरीले हालसम्म गरेका काम कारवाही तथा पीडित र सम्बन्धित पत्रकारको सुरक्षा सम्बन्धमा भएका व्यवस्था बारेमा शुक्रबार नै पत्राचार गरी जानकारी माग गरेको प्रेश विज्ञप्तीमा उल्लेख गरेको छ ।
यसैगरी घटनाको अनुसन्धानका विविध पक्षका सम्बन्धमा सुक्ष्म अनुगमन गरी प्रतिवेदन पेश गर्न आयोगका निर्देशकको नेतृत्वमा शुक्रबार नै तीन सदस्यीय उच्चस्तरीय अनुगमन टोली नै गठन गरेको जनाएको छ ।
राष्ट्रिय मानवअधिकार आयोगद्धारा शुक्रबार जारी गरिएको प्रेश विज्ञप्तीः
