काठमाण्डौः प्रायः आधुनिक शैलीका गीतहरु रचना गर्दै आइरहेकी गीतकार सरला श्रेष्ठले यो वर्षको तीजका लागि एउटा छमछमि नाच्ने शैलीको गीत रचना गरेकी छिन् । अमेरिकामा बसोबास गर्दै आएकी गीतकार श्रेष्ठद्वारा रचित ‘भन्छन् सबै तीज आयो माइत जाने हो’ को म्युजिक भिडियो सार्वजनिक भएको छ ।
बुधवार एसएस क्रिएसनको यूट्युब च्यानलबाट सार्वजनिक भएको यो गीतमा गायिका शान्तिश्री परियारको स्वर सुन्न सकिन्छ । यो गीतमा गायिका परियारलाई सुनिता सुनार तथा बिन्दु बिकले कोरसमा साथ दिएका छन् । लक्ष्मण पोखरेलद्वारा संगीतबद्ध यो गीतमा रमेश सेन्चुरीको संगीत संयोजन, मिक्सिङ तथा मास्टरिङ रहेको छ । गीतका रेकर्डिस्ट मनोज डंगोल हुन् ।
गीतको भिडियो आकर्षक बनेको छ, जसलाई कृष्णदेव रुपाखेतीले निर्देशन गरेका हुन् । स्मारिका ढकाल तथा नृत्य कलाकारहरुले भिडियोमा आकर्षक नृत्य प्रस्तुत गरेका छन् । उत्सव दाहालद्वारा छायांकन गरिएको भिडियोलाई मिन रावलले सम्पादन तथा रंग संयोजन गरेका छन् ।
भिडियोमा दिपेश एसकेको कोरियोग्राफी रहेको छ ।
