काठमाडौं ।। चलचित्र जाँच पास समितिले यहीँ असोज १३ गतेबाट रिलिजमा आउन लागेको चलचित्र ‘माइतीघर’ ले युनिभर्सल सर्टिफिकेट पाएको छ। चलचित्रको बुधबार बेलुकी सेन्सर गरेको हो। युनिभर्सल सर्टिफिकेट पाएसंगै अब यो चलचित्र सबै वर्गका दर्शकले हेर्न पाउनेछन् ।
दशैंको फूलपातिको अवसर पारेर रिलिजमा आउन लागेको यो चलचित्रलाई लिएर निर्माण टिम निकै आशावादी छ। चलचित्रले व्यापारिक रुपमा सुखद ओपनिङ गर्ने अपेक्षा निर्माण टिमको छ । चलचित्रका निर्माता रोहित अधिकारीको अनुसार चलचित्र हेरेर दर्शक निराश हुने छैनन्
२ घण्टा ७ मिनेट रन टाइम रहेको यो चलचित्रको अग्रिम टिकट बुकिङ समेत खुलिसकेको छ । चलचित्रले देशभरका हलमा सय बढी शोज पाएको छ ।
