सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

पोखराका सबै वडामा ‘मखी ताल’ मञ्चनको तयारी

२०८२ पुष १९, शनिबार
शेयर गर्नुहोस:
फन्ट परिवर्तन गर्नुहोस: अ अ अ

लेखनाथ, पुस १९ गते । वातावरण संरक्षण, फोहर व्यवस्थापन, स्वच्छ जीवनशैली जस्ता विषयमा जनचेतना जगाउन पोखरा महानगरका सबै वडामा नाटक मञ्चन गरिने भएको छ । पोखरा थिएटरको आयोजनामा नाटक ‘मखी ताल’ महानगर ३३ वटै वडामा देखाउने तयारी भएको हो ।

आइतबारबाट मञ्चन सुरु हुँदै छ । नाटक पहिलो दिन महानगरपालिका वडा नम्बर ३०, ३१ र ३२ मा देखाइनेछ । थिएटरका संस्थापक अध्यक्ष परिवर्तन नाटकले हाँस्यव्यङ्ग्यमार्फत् दर्शकमा सन्देश प्रवाह गर्ने बताउनुहुन्छ । “तयारी करिब सकिएको छ । यो नाटक महानगरका सबै वडामा मञ्चन गर्ने योजना छ,” उहाँले भन्नुभयो ।

मखीताल लेखन तथा निर्देशन दुवै परिवर्तनले नै गर्नुभएको छ । यसमा परिवर्तनसहित रमेशबाबु तिमल्सिना, सुसन पौडेल, उमा पुन, धनकाजी श्रेष्ठ, उत्सर्ग सुवेदी, रञ्जु दाहाल, श्रद्धा आचार्य, श्रीकृष्ण भण्डारीलगायतले अभिनय गर्नुभएको छ ।

४० मिनेटको यो नाटकबाट दर्शकले मनोरञ्जनसहित रिसाक्लिङ र अपसाइक्लिङमार्फत हरित रोजगारी सिर्जना (जिसिआरयु) परियोजनाबारे जानकारी पाउने छन् । नाटकमा प्रप्स तथा कस्टुम परिकल्पना निर्माण विकास अधिकारी र कार्यक्रम संयोजकको जिम्मेवारी प्रकाश रेग्मी हमालले सहाल्नुभएको छ ।

नाटकको पोस्टर डिजाइन भानुभक्त सापकोटाले गर्दा अभिलेखको जिम्मा अस्मिता गोदार र स्वयंसेवकको जिम्मा वीनिता बयलकोटीले लिनुभएको छ । देशकै ठुलो महानगर पोखराको फोहोर व्यवस्थापन र वातावरण संरक्षण दुवै पक्ष चुनौतीपूर्ण छन् । अन्तर्राष्ट्रिय विमानस्थल सञ्चालनमा आएपछि पुरानो ल्यान्डफिल साइट बन्द भएकोमा महानगरले अझै नयाँ ल्यान्डफिल साइट बनाउन सकेको छैन ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

पोखरामा ‘आरयू फेस्ट–२०२६’को शुभारम्भ

‘रामायण’ २०२७ मा मात्रै चीन, जापान, रुस र दक्षिण कोरियामा रिलिज हुने

‘एक्सन स्टार’ जुनियर एनटीआर अब ‘हाँस्य चलचित्र’ मा देखिने

५१औँ दिनमा पनि प्रदर्शनरत ‘बाः एक योद्धा’, कमायो ३ करोड ५६ लाख

अनमोल केसी अभिनीत ‘बाटुलो जून’ आजदेखि देशभर प्रदर्शनमा

आगामी पुस २४ देखि प्रदर्शनमा आउने ‘तिलस्मी’को पोस्टर सार्वजनिक

प्रियंका चोपडाले ‘भेन्टिलेटर २’ फिल्म बनाउने

थामी भाषाको पहिलो राष्ट्रिय गीत सार्वजनिक

जनशक्ति थपेर लालपुर्जा वितरण गरिँदै

काठमाडौँ महानगरपालिकाले कात्तिक १३ देखि तीनदिने फिल्म फेस्टिभल आयोजना गर्ने

राज्यको बेवास्तामा म्युजिक भिडियो र लघुचलचित्र

नेपाली नृत्य विद्यामा पहिलो विद्यावारिधि रघुवंशीलाई