सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

चलचित्र ‘मायाको गाउँ’ को ‘सबले भन्छन् जिन्दगी त…’ बोलको गीत सार्वजनिक (भिडियो हेर्नुहोस्)

२०८२ माघ १३, मंगलबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ, माघ १३ गते । चलचित्र ‘मायाको गाउँ’ मा समावेश ‘सबले भन्छन् जिन्दगी त..’ बोलको गीत सार्वजनिक गरिएको छ।

गीत सोमबार साइराम पिक्चर्सको आधिकारिक माध्यममार्फत सार्वजनिक गरिएको हो। प्रोसेस पाण्डेको भावपूर्ण स्वर, अनिल खनालको शब्द र अर्जुन पोखरेलको सङ्गीतमा तयार गरिएको यो गीतले प्रेम, विश्वासघात र पीडाको संवेदनशील भावलाई प्रस्तुत गरेको छ। गीतका शब्द र सङ्गीतले श्रोताको मन छोने खालको अनुभूति दिने निर्माण पक्षको विश्वास छ।

गीतको भिडियोमा त्रिविक्रमसिंह राणा, ओसिन भट्टराई, राजु गिरी, नारायण पराजुली, विनयराज पौडेललगायत कलाकारको अभिनय देख्न सकिन्छ। भिडियोमा कलाकारहरूले प्रेमसम्बन्धमा आउने उतारचढाव, धोका र त्यसबाट उत्पन्न पीडालाई जीवन्त रूपमा प्रस्तुत गरेका छन्। गीतको कोरियोग्राफी राजु गिरीले गर्नुभएको हो, जसले गीतको भावलाई दृश्यात्मक रूपमा प्रभावकारी बनाएको छ।

चलचित्र ‘मायाको गाउँ’ की निर्माता कमला पराजुली हुन् भने निर्देशन कमला फिल्म्स टिमले गरेको छ। निर्माण पक्षका अनुसार यो चलचित्रले ग्रामीण परिवेश, मानवीय सम्बन्ध र सामाजिक यथार्थलाई केन्द्रमा राखेर कथा प्रस्तुत गर्नेछ।

चलचित्रको छायाङ्कन रामेश्वर हुमागाईंले गर्नुभएको हो भने सम्पादन श्याम रानाले गर्नुभएको छ। यसैगरी, विनोद बमले पब्लिसिटी डिजाइन तथा गौतमराज खड्काले कलर ग्रेडिङको जिम्मेवारी सम्हाल्नुभएको छ। चलचित्रको मुख्य सहायक निर्देशकको रूपमा सुचेन्द्र परियार रहनुभएको छ।

निर्माण पक्षले सार्वजनिक गरिएको गीतलाई दर्शकले रुचाउने अपेक्षा व्यक्त गरेको छ भने आगामी दिनमा चलचित्रका अन्य गीत तथा ट्रेलर पनि क्रमशः सार्वजनिक गर्दै लैजाने जनाएको छ।

भिडियो हेर्नुहोस् 

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

पोखरामा ‘आरयू फेस्ट–२०२६’को शुभारम्भ

‘रामायण’ २०२७ मा मात्रै चीन, जापान, रुस र दक्षिण कोरियामा रिलिज हुने

‘एक्सन स्टार’ जुनियर एनटीआर अब ‘हाँस्य चलचित्र’ मा देखिने

५१औँ दिनमा पनि प्रदर्शनरत ‘बाः एक योद्धा’, कमायो ३ करोड ५६ लाख

अनमोल केसी अभिनीत ‘बाटुलो जून’ आजदेखि देशभर प्रदर्शनमा

आगामी पुस २४ देखि प्रदर्शनमा आउने ‘तिलस्मी’को पोस्टर सार्वजनिक

प्रियंका चोपडाले ‘भेन्टिलेटर २’ फिल्म बनाउने

थामी भाषाको पहिलो राष्ट्रिय गीत सार्वजनिक

जनशक्ति थपेर लालपुर्जा वितरण गरिँदै

काठमाडौँ महानगरपालिकाले कात्तिक १३ देखि तीनदिने फिल्म फेस्टिभल आयोजना गर्ने

राज्यको बेवास्तामा म्युजिक भिडियो र लघुचलचित्र

नेपाली नृत्य विद्यामा पहिलो विद्यावारिधि रघुवंशीलाई