सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

आजदेखि ‘रमिताको पिरती’ र ‘कुमारी’ प्रदर्शनमा

२०८२ माघ २३, शुक्रबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ, २३ माघः आजदेखि दुई नयाँ नेपाली चलचित्र ‘रमिताको पिरती’ र ‘कुमारी’ प्रदर्शनमा आएका छन् । प्रणय दिवसलाई लक्षित गर्दै आजदेखि दुई चलचित्र प्रदर्शनमा आएका हुन् ।

प्रणय दिवसलाई लक्षित गरी प्रदर्शन भएका दुवै चलचित्र प्रेमकथामा आधारित भए पनि ‘रमिताको पिरती’ लाई निर्माण पक्षले ‘ब्रेकअप स्टोरी’ भनेर प्रचारप्रसार गरिरहेको छ । उक्त चलचित्रकी निर्देशक सुदिप्ताका अनुसार चलचित्रमा रमिता नामक पात्रको ‘ब्रेकअप’ भएपछिको कथालाई देखाइएको छ ।

उहाँले भन्नुभयो, “नेपालमा यस्तो विषयमा चलचित्र बनेको छैन जस्तो लाग्छ । यो एउटा युवतीले प्रेममा ‘ब्रेकअप’ भएपछि के गर्छिन् वा साचो प्रेम खोज्दा आउने परिस्थितिमा आधारित रहेर तयार गरिएको चलचित्र हो । मलाई यस्तै कथामा चलचित्र तयार गर्नु थियो, यसको कथासँग अहिलेको नवपुस्ताले जोडिएको महसुस गर्छन् जस्तो लाग्छ ।”

उहाँले चलचित्रको कथा ‘रमिता’ नामक पात्रकै वरिपरि घुम्ने बताउनुभयो । चलचित्रमा ‘रमिता’ को भूमिका अभिनेत्री आना शर्माले निर्वाह गर्नुभएको छ । यस चलचित्रमा उहाँसँगै गायनमा स्थापित हुनुभएका गायक समीर श्रेष्ठ अभिनेताका रूपमा प्रस्तुत हुनुभएको छ । उक्त चलचित्रमा धीरज मगर, विनय श्रेष्ठ, गौमाया गुरुङ, पशुपति राई, रेनु योगीत, थिन्ले लामोलगायतका कलाकारले अभिनय गर्नुभएको छ ।

आजदेखि प्रदर्शन भएको चलचित्र ‘कुमारी’ मार्फत दुई अनुहार अविशेक खड्का र आकृति राजभण्डारीले अभिनयको सुरुआत गर्नुभएको छ । उक्त चलचित्र ‘जेनजी पुस्ता’ को प्रेम कथामा तयार भएको निर्देशक दिनेश राउतले जानकारी दिनुभयो ।

उहाँले भन्नुभयो, “नयाँ पुस्तालाई चलचित्र भवनमा आकर्षित गर्न उहाँहरूको कथा उहाँकै उमेर समूहका कलाकारमार्फत प्रस्तुत गर्नुपर्छ भन्ने लागेर चलचित्र तयार गरेका छौँ । चलचित्रमा मनोरञ्जनसँगै सामाजिक सन्देशलाई समेत स्थान दिइएको छ । नयाँ पुस्ताको प्रेममा देखिने भावनात्मक सम्बन्धलाई पर्दामा प्रस्तुत गरेको छु ।”

चलचित्रमा घनश्याम जोशी, सुनिता श्रेष्ठ, आकाङ्क्षा कार्की, मधु खड्का, सनम श्रेष्ठ, सकु शाह, सरोज लामिछाने, मनीषा शर्मा, भूपी लुहारलगायत कलाकारले अभिनय गर्नुभएको छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

पोखरामा ‘आरयू फेस्ट–२०२६’को शुभारम्भ

‘रामायण’ २०२७ मा मात्रै चीन, जापान, रुस र दक्षिण कोरियामा रिलिज हुने

‘एक्सन स्टार’ जुनियर एनटीआर अब ‘हाँस्य चलचित्र’ मा देखिने

५१औँ दिनमा पनि प्रदर्शनरत ‘बाः एक योद्धा’, कमायो ३ करोड ५६ लाख

अनमोल केसी अभिनीत ‘बाटुलो जून’ आजदेखि देशभर प्रदर्शनमा

आगामी पुस २४ देखि प्रदर्शनमा आउने ‘तिलस्मी’को पोस्टर सार्वजनिक

प्रियंका चोपडाले ‘भेन्टिलेटर २’ फिल्म बनाउने

थामी भाषाको पहिलो राष्ट्रिय गीत सार्वजनिक

जनशक्ति थपेर लालपुर्जा वितरण गरिँदै

काठमाडौँ महानगरपालिकाले कात्तिक १३ देखि तीनदिने फिल्म फेस्टिभल आयोजना गर्ने

राज्यको बेवास्तामा म्युजिक भिडियो र लघुचलचित्र

नेपाली नृत्य विद्यामा पहिलो विद्यावारिधि रघुवंशीलाई