सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

अग्रज कलाकार मुल्मीको ‘प्रतिविम्ब’ कला प्रदर्शनी

२०८२ चैत्र २८, शनिबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ, २८ चैत : विगत ६५ वर्षदेखि कला साधनामा सक्रिय अग्रज कलाकार तथा प्राध्यापक राधेश्याम मुल्मीको तेस्रो एकल कला प्रदर्शनी आजदेखि काठमाडौँमा सुरु भएको छ ।

नेपाल ललितकला प्रज्ञा प्रतिष्ठानसँगको सहकार्यमा नेपाल व्यावसायिक कलाकार सङ्घ (क्यान)को आयोजनामा नक्सालमा ‘प्रतिविम्ब’ शीर्षकमा प्रदर्शनी सुरु भएको हो । आज उद्घाटनका सत्रमा उहाँको जीवनीसम्बन्धी वृत्तचित्रसमेत प्रदर्शन गरिएको छ ।

वृत्तचित्रमा ७७ वर्षीय मुल्मीका विगतदेखि वर्तमानसम्मका कलायात्रा समावेश छन् । कलाकार मुल्मीले ती चित्रमा जीवन, जगत् र प्रकृतिलाई रङका माध्यामबाट प्रस्तुत गर्नुभएको छ ।

उद्घाटन समारोहमा अग्रज कलाकार शशीविक्रम शाहले कलाकार मुल्मीका चित्रहरु आफैँ बोलिरहेकाले कुनै विवेचना गरिरहनुनपर्ने बताउनुभयो । प्रज्ञा प्रतिष्ठानका उपकुलपति लालकाजी लामाले कलाकार मुल्मीका चित्रमा समाजको विश्बलाई प्रतिविम्बित गरिएको भन्दै प्रशंसा गर्नुभयो ।

वृत्तचित्र निर्माता जीवननाथ धमलाले मुल्मीलाई विज्ञान र कलालाई संयोजन गर्ने कलाकारका रूपमा आफूले चिनेको बताउनुभयो । उहाँले भन्नुभयो, “उहाँको कलामा जीवन र कलालाई एकअर्काको पूरकका रूपमा प्रतिविम्बित गरेको प्रतीत हुन्छ ।”

कलाकार मुल्मीले आफ्नो कला यात्रा धेरै उतारचढाव पार गरेर यहाँ आइपुगेको बताउनुभयो । आयोजक कलाकार सङ्घका अध्यक्ष प्रेमलाल श्रेष्ठले कलाकार मुल्मीका कलामा नेपाली परिवेश, दैनिक जीवनका साथै सांस्कृतिक एवं आध्यात्मिक पक्ष अभिव्यक्त भएको देख्न पाइने बताउनुभयो ।

तीन दिनसम्म सञ्चालन हुने प्रदर्शनीमा २५ वटा चित्र समावेश छन् ।
—

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

पोखरामा ‘आरयू फेस्ट–२०२६’को शुभारम्भ

‘रामायण’ २०२७ मा मात्रै चीन, जापान, रुस र दक्षिण कोरियामा रिलिज हुने

‘एक्सन स्टार’ जुनियर एनटीआर अब ‘हाँस्य चलचित्र’ मा देखिने

५१औँ दिनमा पनि प्रदर्शनरत ‘बाः एक योद्धा’, कमायो ३ करोड ५६ लाख

अनमोल केसी अभिनीत ‘बाटुलो जून’ आजदेखि देशभर प्रदर्शनमा

आगामी पुस २४ देखि प्रदर्शनमा आउने ‘तिलस्मी’को पोस्टर सार्वजनिक

प्रियंका चोपडाले ‘भेन्टिलेटर २’ फिल्म बनाउने

थामी भाषाको पहिलो राष्ट्रिय गीत सार्वजनिक

जनशक्ति थपेर लालपुर्जा वितरण गरिँदै

काठमाडौँ महानगरपालिकाले कात्तिक १३ देखि तीनदिने फिल्म फेस्टिभल आयोजना गर्ने

राज्यको बेवास्तामा म्युजिक भिडियो र लघुचलचित्र

नेपाली नृत्य विद्यामा पहिलो विद्यावारिधि रघुवंशीलाई