सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

थलपति बिजयको ‘जन नायकन’ २४ जुलाई २४ मा रिलिज हुन सक्ने

२०८३ असार २२, सोमबार
शेयर गर्नुहोस:
फन्ट परिवर्तन गर्नुहोस: अ अ अ

हैदाराबाद, २२ असार ।  थलपति विजयको चलचित्र ‘जन नायकन’ लाई लिएर प्रशंसकहरू निकै उत्साहित छन्।

यसको प्रदर्शन मितिका बारेमा पनि विभिन्न अड्कलबाजीहरू भइरहेको बेला ‘मिस्टर भरत’ चलचित्रबारे चर्चा गर्ने क्रममा निर्माता सुधन सुन्दरमले ‘जन नायकन’ को प्रदर्शन मिति बारे संकेत गरेका छन्।

चलचित्र निर्माता सुधन सुन्दरमले भने, ‘यो साँचो हो कि हामी ‘मिस्टर भरत’ चलचित्र २४ जुलाईमा प्रदर्शन गर्नेबारे विचार गरिरहेका छौं। यो ‘जन नायकन’को प्रदर्शनमा निर्भर हुनेछ। यदि ‘जन नायकन’ २४ जुलाईमा प्रदर्शन भयो भने हामी हाम्रो चलचित्रको प्रदर्शन मिति सार्नेछौं। यदि त्यसो भएन भने हामी ‘मिस्टर भरत’लाई २४ जुलाईमै प्रदर्शन गर्नेबारे विचार गर्नेछौं।’

यो कुरा उल्लेखनीय छ कि ‘मिस्टर भरत’ चलचित्रको निर्देशन निरञ्जनले गरेका हुन्। ‘मिस्टर भरत’ रोमान्स र कमेडीले भरिपूर्ण चलचित्र हो, यसको कथा ‘मिस्टर भरत’ नामक एक सामान्य युवकको वरिपरि घुम्छ। भरत र निरञ्जन दुवै लोकप्रिय युट्युब कन्टेन्ट क्रिएटर हुन् र ‘मिस्टर भरत’ उनीहरूको पहिलो फिचर फिल्म हो। यस चलचित्रको छायाङ्कन गत वर्षको जुलाईमा पूरा भएको थियो।

छायाङ्कन पूरा भएपछि निर्माता सुधन सुन्दरमले सम्पूर्ण टोलीको प्रशंसा गर्दै भने, ‘टोली नयाँ भए तापनि उनीहरूको दृष्टिकोण र काम प्रतिको समर्पण प्रशंसनीय छ। एक निर्माताका रूपमा सुरुमा मलाई एउटा नयाँ टोलीले ठूलो स्तरको चलचित्रको जिम्मेवारी सम्हाल्न सक्ला कि नसक्ला भन्ने लागेको थियो तर निरञ्जन र उनको टोलीले हामीलाई पूर्ण रूपमा चकित पारिदिए।’ भरतका अलावा यस चलचित्रमा संयुक्त विश्वनाथन, बाला सरवणन, निधि प्रदीप, आर सुन्दर राजन र लिङ्गाको पनि मुख्य भूमिका रहनेछ।

अभिनेत्री प्रियामणिले पनि हालै थलापति विजयबारे कुरा गर्दै उनको प्रशंसा गरिन् र उनलाई जन्मजात अभिनेताको संज्ञा दिइन्। उनले चलचित्रको प्रदर्शन मिति छिट्टै घोषणा गरिने कुरा पनि बताइन्।

‘जन नायकन’ को कुरा गर्दा यस चलचित्रको निर्देशन एच. विनोथले गरेका हुन् र यसमा विजय, पूजा हेगडे तथा बबी देओलजस्ता कलाकारहरू रहेका छन्। यो चलचित्र सुरुमा जनवरीमा प्रदर्शन हुने तय गरिएको थियो तर यसमा ढिलाइ भइरहेको छ  । हालसम्म यसको प्रदर्शन मितिका सम्बन्धमा कुनै आधिकारिक पुष्टि भने भएको छैन।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

पोखरामा ‘आरयू फेस्ट–२०२६’को शुभारम्भ

‘रामायण’ २०२७ मा मात्रै चीन, जापान, रुस र दक्षिण कोरियामा रिलिज हुने

‘एक्सन स्टार’ जुनियर एनटीआर अब ‘हाँस्य चलचित्र’ मा देखिने

५१औँ दिनमा पनि प्रदर्शनरत ‘बाः एक योद्धा’, कमायो ३ करोड ५६ लाख

अनमोल केसी अभिनीत ‘बाटुलो जून’ आजदेखि देशभर प्रदर्शनमा

आगामी पुस २४ देखि प्रदर्शनमा आउने ‘तिलस्मी’को पोस्टर सार्वजनिक

प्रियंका चोपडाले ‘भेन्टिलेटर २’ फिल्म बनाउने

थामी भाषाको पहिलो राष्ट्रिय गीत सार्वजनिक

जनशक्ति थपेर लालपुर्जा वितरण गरिँदै

काठमाडौँ महानगरपालिकाले कात्तिक १३ देखि तीनदिने फिल्म फेस्टिभल आयोजना गर्ने

राज्यको बेवास्तामा म्युजिक भिडियो र लघुचलचित्र

नेपाली नृत्य विद्यामा पहिलो विद्यावारिधि रघुवंशीलाई