सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

गायिका पुजनको ‘तिजको लहर आउँदा बरिलै’ गीत सार्वजनिक

२०८३ श्रावण २६, मंगलबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ, २६ साउनः गायिका पुजन काफ्लेको तिज गीत ‘तीजको लहर आउँदा बरिलै’ सार्वजनिक भएको छ । पुजन काफ्ले युट्युव च्यानलबाट सार्वजनिक गीतमा शब्द र स्वर पुजन काफ्लेको रहेको छ भने सङ्गीत जीआर बानियाँको रहेको छ ।

तिज पर्व नजिकिँदै गर्दा माइती, आमा–बाबु र दाजुभाइप्रतिको चेलीको भावनालाई समेटिएको नयाँ तिज गीतले तिजलाई नारीको पर्वका रूपमा चित्रण गर्दै माइतीसँगको आत्मियता, बाल्यकालका सम्झना र परिवारप्रतिको प्रेमलाई मुख्य विषय बनाएको छ ।

गीतमा आमाले पकाएको खानादेखि माइतीको घरप्रतिको मोहसम्मलाई भावनात्मक रूपमा प्रस्तुत गरिएको छ । ‘रातो चुरा, सिन्दुर, पोते, रातो साडी’ लाई तीजको सांस्कृतिक पहिचानसँग जोड्दै गीतले तिजलाई महिलाका लागि विशेष दिनका रूपमा चित्रण गरेको छ ।

दिदीबहिनी तथा साथीसँग भेटघाट हुने र बाल्यकालका दिन सम्झने अवसरका रूपमा पनि गीतले तिजको चित्रण गरेको छ । श्रीमान्ले किनिदिएको साडी लगाएर सजिएर नाच्न आएको प्रसङ्गनमार्फत वैवाहिक जीवन र तिजको उल्लासलाई समेत गीतमा समेटिएको छ ।

गीतको अर्को भावनात्मक पक्ष आमाप्रतिको माया हो । आमाले हाँस्दा हाँस्ने र रुँदा रुने भएकाले आमाको गुण कसरी तिर्ने भन्ने भाव गीतमा व्यक्त गरिएको छ । त्यस्तै, छोरीको चिन्ता गरेर बस्ने बाबुको माया र बाबुकै आँगनमा खुसी हुने दिनको सम्झनाले माइतीप्रतिको चेलीको भावनालाई उजागर गरेको छ ।

दाजुभाइप्रतिको चेलीको चिन्ता र परदेशमा रहेका भाइको सम्झनाले गीतलाई अझ भावुक बनाएको छ । रोजगारी तथा अन्य कारणले परिवारबाट टाढा रहेका दाजुभाइलाई सम्झँदै चेलीको मनमा उत्पन्न हुने पीडालाई गीतले समेटेको छ ।

शिवन पोखरेलको निर्देशन र दीपक गिरीको छाँयाङ्कन रहेको भिडियोमा कलाकारहरू विना राउत, यज्ञबहादुर काफ्ले, मैयादेवी काफ्ले, समीक्षा केसी र रोशनी बराललगायतले मोडलिङ गर्नुभएको छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

पोखरामा ‘आरयू फेस्ट–२०२६’को शुभारम्भ

‘रामायण’ २०२७ मा मात्रै चीन, जापान, रुस र दक्षिण कोरियामा रिलिज हुने

‘एक्सन स्टार’ जुनियर एनटीआर अब ‘हाँस्य चलचित्र’ मा देखिने

५१औँ दिनमा पनि प्रदर्शनरत ‘बाः एक योद्धा’, कमायो ३ करोड ५६ लाख

अनमोल केसी अभिनीत ‘बाटुलो जून’ आजदेखि देशभर प्रदर्शनमा

आगामी पुस २४ देखि प्रदर्शनमा आउने ‘तिलस्मी’को पोस्टर सार्वजनिक

प्रियंका चोपडाले ‘भेन्टिलेटर २’ फिल्म बनाउने

थामी भाषाको पहिलो राष्ट्रिय गीत सार्वजनिक

जनशक्ति थपेर लालपुर्जा वितरण गरिँदै

काठमाडौँ महानगरपालिकाले कात्तिक १३ देखि तीनदिने फिल्म फेस्टिभल आयोजना गर्ने

राज्यको बेवास्तामा म्युजिक भिडियो र लघुचलचित्र

नेपाली नृत्य विद्यामा पहिलो विद्यावारिधि रघुवंशीलाई