सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

नक्कली समाचार फैलाए गोबिन्दाले १०० करोडको मानहानी मुद्दा हाल्ने

२०८३ भाद्र ८, सोमबार
शेयर गर्नुहोस:
फन्ट परिवर्तन गर्नुहोस: अ अ अ

मुम्बइ, ८ भदौं । बलिउड अभिनेता गोविन्दा हाल आफ्नो व्यक्तिगत जीवनलाई लिएर चर्चामा छन्।

आफ्नी श्रीमती सुनिता आहुजासँग सम्बन्धविच्छेद हुन लागेको भन्ने हल्ला चलिरहेका बेला उनले नक्कली र एआईद्वारा सिर्जित सामग्री विरुद्ध कडा कदम चालेका छन्। गोविन्दाले विभिन्न सञ्चारमाध्यम, सामाजिक सञ्जाल खाता र सामग्री निर्माताहरूलाई कानुनी सूचना पठाएका छन्।

न्युज १८ को एक रिपोर्ट अनुसार गोविन्दाले आफू र आफ्नो परिवारसँग सम्बन्धित गलत वा पुष्टि नभएका जानकारीहरू साझा नगर्न चेतावनीसमेत दिएका छन्। उक्त सूचनामा यस्ता कार्यमा संलग्न व्यक्तिहरू विरुद्ध कानुनी कारबाही गरिने र १ अर्ब रुपैयाँ सम्मको क्षतिपूर्ति माग गरिने उल्लेख छ। यसमा तस्बिर, भिडियो, अडियो, परिमार्जित तस्बिर, डिपफेक र एआईद्वारा सिर्जना गरिएका नक्कली सामग्रीहरू समावेश छन्। ती अभिनेताले स्पष्ट पारेका छन् कि उनले डिजिटल प्लेटफर्महरूमा आफ्नो नाम, तस्बिर, आवाज वा आफू तथा आफ्नो परिवारसँग सम्बन्धित व्यक्तिगत जानकारीको दुरुपयोग गर्न कसैलाई पनि अनुमति दिएका छैनन्।

यदि कुनै व्यक्तिले गोविन्दासँग सम्बन्धित गलत, आपत्तिजनक वा मानहानिपूर्ण सामग्री सिर्जना वा सेयर गरेमा, उनीहरूविरुद्ध देवानी तथा फौजदारी कारबाही अघि बढाइन सक्ने जनाएका छन । यसमा मानहानि, गोपनीयताको उल्लङ्घन, पहिचानको दुरुपयोग र साइबर अपराधसम्बन्धी कानुनहरू समावेश छन्। उक्त सूचनामा ‘भारतीय न्याय संहिता, २०२३’ र ‘सूचना प्रविधि ऐन, २०००’ का प्रावधानहरू पनि उल्लेख गरिएका छन्।

गोविन्दाले यस्ता सामग्रीका सम्बन्धमा निकै कडा अडान लिएका छन्। सूचनामा उल्लेख गरिए अनुसार यसका लागि जिम्मेवार व्यक्तिहरूविरुद्ध १०० करोड भातरीय रुपैयाँसम्मको क्षतिपूर्तिको दाबी गर्न सकिन्छ। साथै, आवश्यकता परेमा ती अभिनेताले अदालतको ढोका पनि ढक्ढक्याउन सक्छन्। सूचनामा यो पनि उल्लेख छ कि आवश्यकता परेको खण्डमा गोविन्दाले बैंक खाता, सम्पत्ति, राहदानी र अन्य जायजेथाका सम्बन्धमा अदालतको आदेशसमेत माग गर्न सक्छन्।

यहाँ उल्लेख गर्नुपर्ने कुरा के छ भने हालै राखी सावन्तले पापाराजीको अगाडि सुनितालाई फोन गरिन् र स्पिकर फोनमा कुराकानी गरिन्। सो कुराकानीका क्रममा सुनिताले गोविन्दा दोस्रो विवाह गर्ने योजनामा ​​रहेको खुलासा गरेकी थिइन्। त्यसलगत्तै, सुनिता आफ्ना छोरा यशवर्धन आहुजासँग बान्द्रा फेमिली कोर्ट बाहिर देखिए पछि सम्बन्धविच्छेदको चर्चा चल्न थाल्यो।

तर, पछि सुनिताका म्यानेजरले स्पष्ट पारे कि उनी आफूले यस अघि दर्ता गराएको सम्बन्धविच्छेदको निवेदन फिर्ता लिन पारिवारिक अदालत गएकी थिइन्। गोविन्दाका म्यानेजरले अभिनेताको दोस्रो विवाहसम्बन्धी दाबीहरूलाई खारेज गरेका छन्।

गोविन्दाको नाम हालै उनकी आगामी चलचित्र ‘रूपा’की अभिनेत्री कोमल रानी स्वर्णकारसँग जोडिएको छ। हालै गोविन्दालाई विमानस्थलमा आफ्नी कथित प्रेमिका रानी स्वर्णकारसँग देखिएको थियो। सामाजिक सञ्जालमा उनीहरूका तस्बिरहरू भाइरल भए, जसले यस चर्चालाई अझ बढावा दिएको छ।

यहाँ उल्लेख गर्नुपर्ने कुरा के छ भने, गोविन्दा र सुनिताले सन् १९८७ को मे ११ मा गोप्य रूपमा विवाह गरेका थिए। त्यसको दुई वर्षपछि, सन् १९८९ को जुलाई १६ मा उनीहरूकी छोरी टीना आहुजाको जन्म भयो। टीनाको जन्मपछि मात्र गोविन्दाले आफ्नो विवाहको कुरा सार्वजनिक गरेका थिए। त्यसपछि, सन् १९९७ को मार्च १ मा यो जोडीले छोरा यशवर्धन आहुजालाई स्वागत गर्‍यो।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

पोखरामा ‘आरयू फेस्ट–२०२६’को शुभारम्भ

‘रामायण’ २०२७ मा मात्रै चीन, जापान, रुस र दक्षिण कोरियामा रिलिज हुने

‘एक्सन स्टार’ जुनियर एनटीआर अब ‘हाँस्य चलचित्र’ मा देखिने

५१औँ दिनमा पनि प्रदर्शनरत ‘बाः एक योद्धा’, कमायो ३ करोड ५६ लाख

अनमोल केसी अभिनीत ‘बाटुलो जून’ आजदेखि देशभर प्रदर्शनमा

आगामी पुस २४ देखि प्रदर्शनमा आउने ‘तिलस्मी’को पोस्टर सार्वजनिक

प्रियंका चोपडाले ‘भेन्टिलेटर २’ फिल्म बनाउने

थामी भाषाको पहिलो राष्ट्रिय गीत सार्वजनिक

जनशक्ति थपेर लालपुर्जा वितरण गरिँदै

काठमाडौँ महानगरपालिकाले कात्तिक १३ देखि तीनदिने फिल्म फेस्टिभल आयोजना गर्ने

राज्यको बेवास्तामा म्युजिक भिडियो र लघुचलचित्र

नेपाली नृत्य विद्यामा पहिलो विद्यावारिधि रघुवंशीलाई