सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

खाजाको पैसा विद्यार्थीहरुले गरे राहत सहयोग

२०८३ भाद्र २०, शनिबार
शेयर गर्नुहोस:
फन्ट परिवर्तन गर्नुहोस: अ अ अ

सुभाष कायस्थ/जनकपुरधाम, २० भदौ । सर्लाहीका एक सामुदायिक विद्यालयका विद्यार्थीहरूले आफ्नो खाजाको पैसा बचाएर रसुवाको भोटेकोशी नदीमा आएको भीषण बाढीपहिरोबाट प्रभावित नागरिकलाई राहत सहयोग गरेका छन् ।

जिल्लाको हरिहर जनता आधारभूत विद्यालय हरिपुर नगरपालिका–१ जानकीनगरका विद्यार्थीहरूले बाल क्लब र शिक्षकहरूको समन्वयमा आ आफ्नो खाजाको रकम संकलन गरी ५ हजार १०५ रुपैयाँ बाढीपीडितलाई राहतस्वरुप सहयोग गरेका छन् ।

विद्यार्थीहरूले आफूले दैनिक खाजा खान ल्याएको रकमबाट केही बचत गरी विपदमा परेका नागरिकका लागि सहयोग गरेका हुन् ।

विद्यार्थीहरूको सहयोग अभियानमा स्थानीय शिक्षा प्रेमी शान्तिप्रसाद दुलालले ५१० रुपैयाँ, पण्डित रिखीराम काफ्लेले ७१० रुपैयाँ, मधुसुदन न्यौपानेले क्यूआरमार्फत २ हजार रुपैयाँ तथा विद्यालय व्यवस्थापन समितिका अध्यक्ष सूर्यबहादुर थापाले ५०० रुपैयाँ सहयोग गरेको जनाइएको छ ।

विद्यार्थी र अन्य सहयोगदाताबाट संकलित रकम ५ हजार १०५ रुपैयाँ प्रधानमन्त्री दैवी प्रकोप उद्धार कोषमा जम्मा गरिएको विद्यालयले जनाएको छ । विद्यालयका प्रधानाध्यापक जय नारायण सिंह विद्यार्थीहरूले सानै उमेरमा विपदमा परेका नागरिकलाई कसरी सहयोग गर्न सकिन्छ भन्ने कुरा उनीहरूले खाजा नखाई गरेको रकम थोरै भए पनि सहयोगी भावनाको एउटा प्रेरणा बनेको बताए ।

प्रधानाध्यापक सिंहले विपद्का बेला सहयोग र सहकार्यको भावना सानै उमेरदेखि विकास हुनु शिक्षाको महत्वपूर्ण पक्ष भएको बताए । विद्यार्थीहरूको यस्तो पहलले विद्यालयमा कार्यरत अन्य शिक्षकहरुलाई समेत सहयोगी भावको भावना जगाएको उनको भनाई छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

फोहरलाई स्रोतका रूपमा उपयोग गर्न प्रेरित गर्दै ‘आरयू फेस्ट’

विकेन्द्रीकरण विस्तारको तयारीमा त्रिवि

त्रिविले खुलायो M.Ed. र MSSEd विद्यार्थीलाई परीक्षा केन्द्र रोज्ने सुविधा

प्रवासीको सहयोगमा विद्यालय भवन निर्माण

विद्यालयका निम्ति जग्गा खरिद गर्न देउसीभैलोबाट जुट्यो नौ लाख

चिनियाँ दूतावासले बलान बिहुलमा शैक्षिक तथा स्वास्थ्य सामग्री सहयोग

अन्तरराष्ट्रिय शैक्षिक सहकार्य विस्तार गर्न त्रिविद्वारा ‘कन्ट्री फोकल पर्सन’ को आह्वान

टर्कीका शिक्षामन्त्रीसँगै मन्त्री पोखरेलको विद्यालय अवलोकन : बालमैत्री र हरित शिक्षाका अभ्यासबारे चासो

जलवायु अनुकूलनका लागि ‘राष्ट्रिय पाठ्यक्रम प्रारूप’ परिमार्जन गर्दैछौँ: शिक्षामन्त्री पोखरेल

निधि भवन राजर्षी जनक विश्वविद्यालयलाई हस्तान्तरण

गाउँमै उद्यम र रोजगारी सिर्जना गर्ने सम्भावना खोज्दै विद्यार्थी

त्रिविको जग्गा फिर्ता ल्याउनेदेखि शैक्षिक वातावरण सुधार्नेसम्मका विषयमा मन्त्रालयको चासो