सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

चिनियाँ नागरिक विराटनगरबाट पक्राउ

२०८३ असोज १२, सोमबार
शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौं ।नेपाली नागरिकको नाममा दर्ता रहेको पसलबाट चिनियाँ नागरिकले कस्मेटिक तथा घरायसी सामग्रीको व्यापार सञ्चालन गरेको पाइएपछि अर्का एक चिनियाँ नागरिक पक्राउ परेका छन् । विराटनगर–२ स्थित एभरपिक सप्लायर्समा सोमबार गरिएको अनुगमनका क्रममा यस्तो तथ्य भेटिएसँगै उनलाई नियन्त्रणमा लिइएको हो ।

वाणिज्य, आपूर्ति तथा उपभोक्ता संरक्षण कार्यालय, आन्तरिक राजस्व कार्यालय र जिल्ला प्रशासन कार्यालय मोरङको संयुक्त टोलीले गरेको अनुगमनमा पसल राधिका बस्नेत कार्कीको नाममा दर्ता रहेको र व्यापार भने चिनियाँ नागरिक लि जोसिज्याकले सञ्चालन गर्दै आएको पाइएको छ ।

अनुगमन टोलीले पसल सञ्चालकलाई कस्मेटिक तथा घरायसी सामग्रीको सम्पूर्ण खरिद बिल उपलब्ध गराउन निर्देशन दिएको छ । सामानको खरिद स्रोत, कारोबार तथा व्यवसाय सञ्चालनसम्बन्धी कागजातसमेत अध्ययन भइरहेको वाणिज्य कार्यालय विराटनगरका प्रमुख दीपेश कुमार झाले जानकारी दिए ।

व्यापार सञ्चालन गरिरहेका चिनियाँ नागरिक लि जोसिज्याकलाई प्रहरीले नियन्त्रणमा लिएको छ । उनलाई आवश्यक अनुसन्धानका लागि अध्यागमन विभाग पठाउने तयारी भइरहेको प्रहरीले जनाएको छ ।

नेपाली नागरिकको नाममा पसल दर्ता गरी विदेशी नागरिकले व्यापार सञ्चालन गरेको विषयमा प्रशासनले थप अनुसन्धान अघि बढाएको छ ।

पसल नेपाली नागरिकको नाममा दर्ता गरी विदेशी नागरिकले व्यापार सञ्चालन गरेको विषयमा प्रशासनले थप अनुसन्धान अघि बढाएको छ । अनुगमनका क्रममा भेटिएका कागजात तथा खरिद बिलको अध्ययनपछि व्यवसाय सञ्चालनको कानूनी अवस्था र कारोबारसम्बन्धी थप विवरण खुल्ने बताइएको छ ।

यसअघि पनि विराटनगरमा नेपाली नागरिकको नाममा व्यापार सञ्चालन गरेको आरोपमा एक चिनियाँ नागरिक पक्राउ परेका थिए ।

सूचना प्रविधि (आईटी) क्षेत्रमा वैदेशिक लगानी भित्र्याउने र सफ्टवेयर विकास गर्ने भन्दै व्यावसायिक भिसामा आएका चिनियाँ नागरिक जिङ्सियान सिएलाई मोरङ प्रहरीले नियन्त्रणमा लिएको थियो ।

विराटनगर महानगरपालिका–७ स्थित सेन्ट्रल मलमा रहेको योनो मार्टका सञ्चालकसमेत रहेका उनलाई प्रहरीले नियन्त्रणमा लिएपछि प्रशासनले पसलमा सिलबन्दी गरेको थियो ।

योनो मार्ट पनि नेपाली नागरिकको नाममा रहेको पाइएको थियो । प्रहरीले बिना बिल प्यान–भ्याट छली कारोबार गरिरहेको आरोपमा जिङ्सियानलाई पक्राउ गरेको जनाएको छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

दैलेखमा बन्चरो प्रहारबाट आमा र दुई छोराछोरीको मृत्यु, एक बालक गम्भीर घाइते

भीमफेदी कारागारबाट भागेका मोक्तान हेटौंडा बसपार्कबाट पक्राउ

कात्तिकमा ७० लाखको सामान बरामद

करिब ४ सय ४३ किलो गाँजा सहित दुई जना पक्राउ

नक्कली शैक्षिक प्रमाणपत्र पेस गर्ने शिक्षकमाथि आरोपपत्र दायर

जबरजस्ती करणी गरेको अभियोगमा पक्राउ

जुवातास खेलिरहेको अवस्थामा २५ जना पक्राउ

अवैध लागूऔषध सहित विभिन्न स्थानबाट १७ जना पक्राउ

जुवाको खालबाट २५ जना पक्राउ

दुई थान भरुवा बन्दुकसहित एक जना पक्राउ

जुवातास खेलिरहेको अवस्थामा १२ जना पक्राउ

मुद्दाका फरार प्रतिवादीहरू पक्राउ