सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

टी-२० क्रिकेटमा पाकिस्तानद्वारा श्रीलंका ८२ रनले पराजित, भारतको वेस्टइन्डिजविरुद्ध २–१ को अग्रता

२०८३ असोज २७, मंगलबार
शेयर गर्नुहोस:
फन्ट परिवर्तन गर्नुहोस: अ अ अ

इस्लामाबाद । अन्तर्राष्ट्रिय टी-२० क्रिकेटमा पाकिस्तान र भारत दुवै टोलीले आ-आफ्नो खेलमा जित दर्ता गराएका छन् । पाकिस्तानले श्रीलंकालाई पराजित गर्दै शृंखला आफ्नो कब्जामा पारेको छ भने भारतले वेस्टइण्डिजविरुद्धको पाँच खेलको शृंखलामा अग्रता लिएको हो । दोस्रो टी-२० अन्तर्राष्ट्रिय खेलमा पाकिस्तानले श्रीलंकालाई ८२ रनको फराकिलो अन्तरले पराजित गर्‍यो । यो जितसँगै पाकिस्तानले तीन खेलको टी-२० शृंखलामा २-० को अजेय अग्रता हासिल गरेको छ । श्रीलंकाली टोलीले आफ्नो देशबाहिर लगातार तेस्रो टी-२० शृंखला गुमाएको हो ।

टस हारेर पहिले ब्याटिङको निम्तो पाएको पाकिस्तानले निर्धारित २० ओभरमा ३ विकेट गुमाउँदै २१५ रनको विशाल योगफल खडा गरेको थियो । यो टी-२० अन्तर्राष्ट्रिय इतिहासमा पाकिस्तानको दोस्रो सबैभन्दा ठूलो स्कोर हो । यसअघि पाकिस्तानको सर्वोच्च टी-२० स्कोर २३२/६ रहेको छ, जुन उसले सन् २०२१ मा इंग्ल्याण्डविरुद्ध बनाएको थियो । पाकिस्तानका लागि माज सदाकतले ५१ बलमा ९६ रनको विस्फोटक पारी खेल्दा कप्तान साहिबजादा फरहानले ७३ रनको योगदान दिनुभयो । दुवै ब्याटरले पाएको क्याच छुट्ने अवसरको भरपूर फाइदा उठाएका थिए । २१६ रनको ठूलो लक्ष्य पछ्याएको श्रीलंकाको टोली २० ओभरमा ७ विकेट गुमाएर १३३ रनमा समेटियो । पाकिस्तानका तीव्र गतिका बलर मोहम्मद इमरानले उत्कृष्ट बलिङ गर्दै मात्र ११ रन खर्चिएर ३ विकेट लिनुभयो ।

अर्कोतर्फ इन्दौरको होल्कर स्टेडियममा खेलिएको तेस्रो टी-२० खेलमा भारतले वेस्टइन्डिजलाई १४ रनले पराजित गरेको छ । यो जितसँगै भारतले पाँच खेलको शृंखलामा २-१ को अग्रता बनाएको छ । टस हारेर पहिले ब्याटिङ गरेको भारतीय टोलीले २० ओभरमा २२३ रनको बलियो स्थिति तयार पारेको थियो । भारतका लागि अभिषेक शर्माले मात्र ३० बलमा ६९ रनको आक्रामक अर्धशतकीय पारी खेल्दा इसान किसनले ३७ रन जोड्नुभयो ।

जवाफमा २२४ रनको लक्ष्य पछ्याएको वेस्टइन्डिजको टोलीले कडा चुनौती पेस गरे पनि २० ओभरमा ७ विकेट गुमाएर २०९ रन मात्र बनाउन सक्यो । वेस्टइन्डिजका लागि सिमरोन हेटमायरले सर्वाधिक ४३ रन बनाउनुभयो । भारतका तर्फबाट अर्शदीप सिंहले ३ विकेट लिँदा नमन धीरले २ विकेट लिनुभयो । एजेन्सी

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

दीपेश महतले जिते विश्व पारा तेक्वान्दो च्याम्पियनसिपमा रजत पदक

‘एन्फा निलम्बन फुकुवाको प्रक्रिया अघि बढ्यो’

एक्स्ट्रिम दोस्रो झापा महिला गोल्डकप प्रतियोगिता मङ्सिर ५ गतेदेखि

मेसी बने मेजर लिग सकरका सर्वाधिक तलब पाउने खेलाडी (सुचीसहित)

एनपीएलको फाइनलमा लुम्बिनी लायन्स र सुदूरपश्चिम रोयल्स भिड्दै

दशौँ राष्ट्रिय खेलकुदका चार खेल लुम्बिनीमा, प्रतियोगिता कुर्दै बाँके र बर्दिया

एनपिएल : चितवनलाई ३  विकेटले हराउँदै सुदूरपश्चिम रोयल्स फाइनलमा

एन्फामाथिको निलम्बन र प्रतिबन्ध फुकुवा

दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने

तीन वर्षपछि भारतमा हुँदै आइपिएलको खेलाडी अक्सन

आइपिएल २०२७ को अक्सन डिसेम्बर १६ मा गोवामा हुने

डेफ फुटबल च्याम्पियनसिप खेल्न नेपाली टोली दक्षिण कोरिया प्रस्थान