सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

दीपेश महतले जिते विश्व पारा तेक्वान्दो च्याम्पियनसिपमा रजत पदक

२०८३ मंग्सिर ५, शनिबार
शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौं । नेपालका दीपेश महतले ११औं विश्व पारा तेक्वान्दो च्याम्पियनसिप (जी १४) मा रजत पदक जितेका छन्।

दक्षिण कोरियाको मुजुस्थित तेक्वान्दोवनमा आयोजित च्याम्पियनसिपमा दीपेशले पुरुष के ४१ क्याटेगोरीको ५८ केजीमुनि रजत पदक जितेका हुन्। स्वर्ण पदक भिडन्तमा भने दीपेश रूसका याकुपोभ रिनाटसँग पराजित भएका थिए। उनी करियरकै पहिलो अन्तर्राष्ट्रिय च्याम्पियनसिपमा स्वर्ण जित्ने अवसरमा भने असफल भए। सेमिफाइनलमा दीपेशले उत्कृष्ट प्रदर्शन गर्दै टर्कीका कोसे साबितलाई नकआउट (१४–४) का आधारमा हराउँदै फाइनलमा स्थान सुरक्षित गरेका थिए। फाइनलमा भने त्यो लय जारी राख्न सकेनन्।

नेपालले विश्व पारा तेक्वान्दोमा १२ वर्षपछि यो उपलब्धि हात पारेको हो। यसअघि सन् २०१४ मा रूसमा भएको पाँचौं विश्व पारा तेक्वान्दो च्याम्पियनसिपमा यादव कुँवरले रजत पदक जितेका थिए। दीपेशसहित प्रतियोगितामा नेपालबाट दुई खेलाडी सहभागी छन्। के ४४ को पुरुष ६३ केजीमुनि अमिर भ्लोनले शनिबार इरानका अलिजादेह अरब ए.विरुद्ध खेल्नेछन्। नेपाली टोलीका प्रशिक्षक कविराज नेगी लामा छन्।

च्याम्पियनसिपमा ६४ राष्ट्रका २ सय ४५ खेलाडीले प्रतिस्पर्धा गरिरहेका छन्। च्याम्पियनसिपको उद्घाटन समारोहको मार्च पासमा अमिर भ्लोनले नेपालको झन्डा बोकेका थिए।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

‘एन्फा निलम्बन फुकुवाको प्रक्रिया अघि बढ्यो’

एक्स्ट्रिम दोस्रो झापा महिला गोल्डकप प्रतियोगिता मङ्सिर ५ गतेदेखि

मेसी बने मेजर लिग सकरका सर्वाधिक तलब पाउने खेलाडी (सुचीसहित)

एनपीएलको फाइनलमा लुम्बिनी लायन्स र सुदूरपश्चिम रोयल्स भिड्दै

दशौँ राष्ट्रिय खेलकुदका चार खेल लुम्बिनीमा, प्रतियोगिता कुर्दै बाँके र बर्दिया

एनपिएल : चितवनलाई ३  विकेटले हराउँदै सुदूरपश्चिम रोयल्स फाइनलमा

एन्फामाथिको निलम्बन र प्रतिबन्ध फुकुवा

दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने

तीन वर्षपछि भारतमा हुँदै आइपिएलको खेलाडी अक्सन

आइपिएल २०२७ को अक्सन डिसेम्बर १६ मा गोवामा हुने

डेफ फुटबल च्याम्पियनसिप खेल्न नेपाली टोली दक्षिण कोरिया प्रस्थान

पाकिस्तानमाथि २–१ को जितसँगै भारतलाई साफको १०औँ उपाधि