सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

आइसिसी लिग-२: नेपाल क्यानडासँग २४ रनले पराजित

२०८३ असोज ३१, शनिबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौं। आइसिसी पुरुष क्रिकेट विश्वकप लिग-२ अन्तर्गत ओमानको अल अमेरातमा सम्पन्न खेलमा नेपाल क्यानडासँग २४ रनले पराजित भएको छ। शनिबार भएको खेलमा हार बेहोरेसँगै नेपालको तालिकाको शीर्ष ६ मा रहेर ओडिआई  मान्यता जोगाउने सम्भावना थप चुनौतीपूर्ण बनेको छ।

क्यानडाले प्रस्तुत गरेको २५७ रनको मध्यम लक्ष्य पछ्याएको नेपाल ४६ ओभरमा २३२ रनमै अलआउट हुन पुग्यो। नेपालका लागि युवा ब्याटर अर्जुन कुमालले ११२ बलमा चार चौकाको मद्दतले सर्वाधिक ८७ रनको धैर्यपूर्ण इनिङ्स खेले पनि टोलीलाई जित दिलाउन सकेनन्।

आइसिसी लिग–२: क्यानडासँग २४ रनले पराजित भएपछि नेपालको शीर्ष ६ यात्रा संकटमाअन्य ब्याटरहरूमा दीपेन्द्रसिंह ऐरीले २७, गुल्शनकुमार झा र इशान पाण्डेले समान २१, ओपनर आसिफ शेखले २० तथा कप्तान रोहितकुमार पौडेलले १८ रन जोडे। तल्लो क्रममा करण केसी १७ रनमा अविजित रहे। नेपाललाई सस्तैमा समेट्न क्यानडाका सुखजिन्दर सिंहले १० ओभरमा ३८ रन खर्चेर ३ विकेट लिए भने कलिम साना र सहिल पटेलले दुई-दुई विकेट हात पारे।

यसअघि टस जितेर पहिले ब्याटिङ रोजेको क्यानडाले निर्धारित ५० ओभरमा सबै विकेट गुमाउँदै २५६ रनको योगफल तयार पारेको थियो। क्यानडाका लागि युवराज समराले ११७ बलमा ११ चौका र ४ छक्का प्रहार गर्दै १०५ रनको शतकीय योगदान दिए। त्यस्तै आरोन जोनसनले ३६ र हर्ष थाकरले ३४ रन थपे।

नेपालका तर्फबाट स्पिनर ललितनारायण राजवंशीले १० ओभरमा २ मेडनसहित ३९ रन दिएर ४ विकेट लिएका थिए। पूर्वकप्तान सन्दीप लामिछानेले ३, दीपेन्द्रसिंह ऐरीले २ तथा रोहितकुमार पौडेलले १ विकेट हात पारे।

अंकतालिकाको स्थिति र शीर्ष ६ को समीकरण

यस जितसँगै क्यानडा ३६ खेलबाट २९ अंकसहित तालिकाको छैटौं स्थानमा उक्लिएको छ। पराजित नेपाल भने ३५ खेलबाट २८ अंकसहित सातौं स्थानमा झरेको छ।

नेपालले शीर्ष ६ भित्र स्थान सुरक्षित गर्न सोमबार हुने लिगको अन्तिम खेलमा घरेलु टोली ओमानलाई अनिवार्य रूपमा पराजित गर्नुपर्नेछ। यदि नेपाल ओमानसँग पराजित भएमा क्यानडा छैटौंं स्थानमा रहँदै शीर्ष ६ मा पर्न सफल हुनेछ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

दीपेश महतले जिते विश्व पारा तेक्वान्दो च्याम्पियनसिपमा रजत पदक

‘एन्फा निलम्बन फुकुवाको प्रक्रिया अघि बढ्यो’

एक्स्ट्रिम दोस्रो झापा महिला गोल्डकप प्रतियोगिता मङ्सिर ५ गतेदेखि

मेसी बने मेजर लिग सकरका सर्वाधिक तलब पाउने खेलाडी (सुचीसहित)

एनपीएलको फाइनलमा लुम्बिनी लायन्स र सुदूरपश्चिम रोयल्स भिड्दै

दशौँ राष्ट्रिय खेलकुदका चार खेल लुम्बिनीमा, प्रतियोगिता कुर्दै बाँके र बर्दिया

एनपिएल : चितवनलाई ३  विकेटले हराउँदै सुदूरपश्चिम रोयल्स फाइनलमा

एन्फामाथिको निलम्बन र प्रतिबन्ध फुकुवा

दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने

तीन वर्षपछि भारतमा हुँदै आइपिएलको खेलाडी अक्सन

आइपिएल २०२७ को अक्सन डिसेम्बर १६ मा गोवामा हुने

डेफ फुटबल च्याम्पियनसिप खेल्न नेपाली टोली दक्षिण कोरिया प्रस्थान