काठमाण्डौंः भूकम्पले क्षतिग्रस्त धार्मिक, सांस्कृतिक तथा ऐतिहासिक महत्वको रानीपोखरीको निर्माणको कार्य सम्पन्न भएको छ ।
लकडाउन र निषेधाज्ञा बीचमा पनि तीव्र गतिमा काम हुँदै अहिले निर्माण सम्पन्न भएको राष्ट्रिय पुनर्निर्माण प्राधिकरणले जनाएको छ ।
रानीपोखरीको पुर्ननिर्माण गर्दा पुरातत्व विभागले बालगोपालेश्वर मन्दिर शिखर शैलीमा निर्माण गरेको छ । यो शैली १९९० सालको भूकम्पअघि थियो । सो भूकम्पले भत्काएपछि डोम शैलीमा मन्दिर पुर्ननिर्माण गरिएको थियो । जुन २०७२ सालको भूकम्पले भत्कियो ।अहिले पनि शिखर शैलीमा पुर्ननिर्माण भएको हो ।

