सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

स्थानीयले जग्गाको स्वामित्व दाबी गरेपछि कालमोचनघाट पुनर्निर्माण अवरुद्ध

२०७७ कार्तिक १७, सोमबार
शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः सरकारी जग्गामा स्थानीय एक व्यक्तिले स्वामित्व दाबी गरेपछि काठमाडौं महानगरपालिका-११ थापाथलीस्थित कालमोचन घाट पुनर्निर्माणको काम रोकिएको छ । पुनर्निर्माण भइरहेको क्षेत्रको दुई पैसा जग्गा स्थानीय एक व्यक्तिले दाबी गरेका छन् ।

थापाथली पुलको मुखैमा एउटा दुईतले घर छ । पुनर्निर्माणको काम त्यही घरमा पुगेपछि रोकिएको हो । खन्ने क्रममा जगको तल्लो भागमा चिल्ला ढुंगाको स्तम्भजस्तो आकार र त्यसमाथि परम्परागत संरचनामा प्रयोग गरिने बुट्टासहित इँटाको पर्खाल भेटिएको छ । त्यही संरचनामाथि घर बनाएको पाइएको छ । वडाध्यक्ष हीरालाल तण्डुकार भन्छन्, ‘यो जग्गा व्यक्तिको हुने कुनै आधार देखिँदैन, आधार प्रमाणले जग्गा सार्वजनिक भएको पुष्टि हुन्छ ।’

अधिकार सम्पन्न बागमती सभ्यता एकीकृत विकास समितिमार्फत बागमती नदीकिनार सुधार परियोजनाअन्तर्गत पुनर्निर्माण जारी छ । सोही क्रममा सरकारी जग्गा व्यक्तिले दाबी गरेपछि काम रोकिएको वडाध्यक्ष तण्डुकारले बताए ।

वडाध्यक्ष तण्डुकार, गुठी संस्थानका उपप्रशासक सरोज थपलिया, पुरातत्व विभागका अधिकृत मञ्जु सिंह भण्डारी, अधिकार सम्पन्न बागमती सभ्यता एकीकृत विकास समितिका इन्जिनियर असिम अधिकारी र परामर्शदातासहितका अधिकारीले आइतबार स्थलगत अवलोकन गरेका छन् ।

‘थापाथली पुल बनाउँदा त्यसको आकर्षण बढाउन बनाइएको स्तम्भको जगमा घर बनाएको देखिन्छ, त्यो स्तम्भमा सिंहका मूर्ति राखिएको थियो, स्तम्भ कहिले र किन सम्भार गरिएन भन्ने खोजीको विषय हो,’ वडाध्यक्ष तण्डुकारले भने । त्यहाँ कित्ता नम्बर १८८ अन्तर्गत २९ रोपनी सरकारी सार्वजनिक जग्गा छ, जहाँ विगतमा वैरागी र सन्न्यासीहरूको अखाडा रहेको अभिलेख भेटिएको गुठी संस्थानका उपप्रशासक थपलियाले बताए । नयाँपत्रिकाबाट

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

मिथिलामा ‘लबान’ को लहर

नेपाललाई वैदिक ज्ञान र धार्मिक पर्यटनको केन्द्र बनाउनुपर्छः स्वामी कमलनयनाचार्य

आज शनिबार, कस्तो रहला तपाईको दिन ? हेर्नुहोस् राशिफल

पाल्पाको सत्यवती मेला आजदेखि सुरु

चाँगुनारायण मन्दिरमा बिहानैदेखि भक्तजनको घुइँचो

हरिबोधनी एकादशीमा तुलसी विवाह, चतुर्मास सकिएसँगै शुभकार्य सुरु

आस्था र परम्पराको सङ्गम लड्केश्वर मेला

कार्तिक शुक्ल एकादशीः तुलसी–दामोदरको विधिपूर्वक विवाह गरिँदै

आज शुक्रबार, कस्तो छ तपाईंको राशिफल?

आजको राशिफल : १२ राशिमध्ये कसलाई मिल्दैछ भाग्यको साथ, कसलाई रहनुपर्ला सावधान ?

आज कुष्माण्ड नवमी

नमोबुद्ध जात्रा : करुणा र देहत्यागको बौद्ध मान्यता जोडिएको ऐतिहासिक मेला