शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौ: बार्सिलोना च्याम्पियन्स लिग फुटबल अन्तर्गत स्पेनिस क्लबको लियोनल मेस्सी कप्तानीको खेल बराबरीमा रोकिएको छ ।
मंगलबार राति समूह एफ अन्तर्गतको खेलमा घरेलु मैदान नाउ क्याम्पमा भएको खेल बार्सिलोना चेक गणतन्त्रको क्लब स्लाभिया प्रागसँग गोलरहित बराबरीमा रोकिएको हो ।
मेस्सीले भने २०१२ यता पहिलोपटक घरेलु मैदानमा भएको च्याम्पियन्स लिग खेलमा गोल नहरेको अन्तर्राष्ट्रिय समाचार माध्ययमले जनाएका छन् ।
पहिलो हाफमा मेस्सीले प्रहार गरेको बल प्रागका गोलरक्षक अनड्रेज कोलारले जोगाएका थिए ।
बार्सिलोना गोलरहित बराबरीपछि पनि समूह एफ को शीर्ष स्थानमा छ, उसको चार खेलबाट ८ अंक भएको छ ।
मंगलबार रातिकै अर्को खेलमा इन्टर मिलानलाई ३–२ ले पराजित गरेको बोरुसिया डर्टमुण्ड सात अंकसहित दोस्रो स्थानमा उक्लिएको छ ।
