काठमाण्डौं: आगामी सन् २०२२ मा कतारमा हुने फिफा विश्वकपको छनौट खेल अन्तर्गत दोस्रो चरणको खेलमा आज कुबेत र नेपाल बिच खेल हुँदैछ ।
भुटानको थिम्पुस्थित चाङ्लिमिथाङ रंगशालामा मंगलबार नेपाली समय अनुसार पौने तीन बजेबाट सुरु हुने खेलमा नेपालले कुबेतसँग प्रतिस्पर्धा गर्ने भएको हो ।
नेपालमा निर्माणाधिन दशरथ रंगशाला अन्तर्राष्ट्रिय मापदण्ड अनुसार तयार नभए पछी उक्त खेल भुटानमा हुन लागेको हो । ।
कुवेतसँगको पहिलो खेलमा ७-० को फराकिलो हार ब्यहोरेको नेपालले हारको बदला लिने अवसर पाएको छ । छनोटका सबै अवे खेल खेलिसकेको नेपालले ४ खेलमा ३ अंक जोडेको छ भने कुवेतले ७ अंक जोडेर दोस्रो स्थानमा रहन सफल भएको छ ।
कुबेतसँगको खेलमा नेपाली राष्ट्रिय टिमका हस्तिहरु विमल घर्ति मगर, मिडफिल्डर अन्जन बिष्ट, सन्तोष तामाङ र डिफेन्डर दिनेश राजवंशीसहित चार खेलाडी एन्फाको कारबाहीमा परेको हुँदा टिममा छैनन् ।
राष्ट्रिय टिममा रहँदा रातको समयमा नाईट क्लबमा भेटिएको भन्दै एन्फाले ४ जना खेललाडीहरुलाई राष्ट्रिय टिमबाट बाहिर राख्दै अनुशासनको कारबाही गरेको हो ।
