काठमाण्डौं: मंसिर १५ गतेबाट नेपालमा हुन लागेको १३ औं दक्षिण एसियाली खेलकुद (साग) को ओलम्पिक टर्च र्याली ७ वटै प्रदेशका मुख्य मुख्य शहरहरुमा पुग्ने भएको छ ।
शुक्रबार काठमाण्डौको स्वयम्भुबाट शुरु हुने टर्च र्याली नेपाल राष्ट्रिय तथा अन्तर्राष्ट्रिय खेलाडी संघको समन्वयमा गर्न लागिएको हो । सो र्यायलि राखेपका सदस्य सचिव रमेश कुमार सिलवालले टर्च प्रज्वलन गरी ओलम्पियन खेलाडीलाई हस्तान्तरण गर्ने राष्ट्रिय खेलकुद परिषद् (राखेप) ले जनाएको छ ।
बिहीबार आयोजना गरीएको पत्रकार सम्मेलनमा बोल्दै नेपाल राष्ट्रिय तथा अन्तर्राष्ट्रिय खेलाडी संघका अध्यक्ष दिपक श्रेष्ठले टर्च र्यालीलाई १३ जना ओलम्पियन खेलाडीले देशभरका बिभिन्न शहरमा सो टर्च पुर्याउने बताए ।
र्यालीमा नेपालका ख्याति प्राप्त ओलम्पियन बैकुण्ठ मानन्धर, दिपक बिष्ट, जीतबहानदुर केसी, राजेन्द्र भण्डारी, नयना शाक्य, उमेश मास्के, देवु थापा, ज्ञान बहादुर बोहोरा, टिकाराम श्रेष्ठ, राजकुमारी पाण्डे, कान्छीमाया कोजु, मुकुन्दहरी श्रेष्ठ र दीपक श्रेष्ठको सहभागिता रहनेछ ।
