शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौः प्रहरीले चितवन मेडिकल कलेजका ६ जना सुरक्षा गार्डलाई नियन्त्रणमा लिएको छ । चितवन मेडिकल कलेजको होस्टेलभित्र शनिबार फेला परेको हतियारबारे अनुसन्धान गर्न प्रहरीले चितवन मेडिकल कलेजका ६ जना सुरक्षा गार्डलाई नियन्त्रणमा लिएको हो ।
सोही घटनाको विषयमा सोधपुछका लागि भन्दै चितवन प्रहरीले आइतबार उनीहरूलाई पक्राउ गरेको चितवन प्रहरीले जनाएको छ ।
प्रहरीले नियन्त्रणमा लिएका सुरक्षा गार्डहरुको नाम भने सार्वजनिक नगरी गोप्य राखेको छ ।
भरतपुर महानगरपालिका–५, कैलाशनगरस्थित मेडिकल कलेजको उत्तरपूर्वी कम्पाउण्डबाट शनिबार प्रहरीले वेबारिसे अवस्थामा मेड इन यूएसए लेखिएको पेस्तोल र दुई राउण्ड गोली बरामद गरेको थियो ।
