काठमाण्डौ: प्रधानमन्त्री केपी शर्मा ओलीले सागमा सहभागी खेलाडीहरूलाई पुरस्कृत गर्नै भएका छ्न् ।
१३औँ दक्षिण एसियाली खेलकुद सागमा सहभागी नेपालका खेलाडीलाई विशेष पुरस्कारको घोषणा प्रधानमन्त्री ओलिले मंगलबार गर्ने भएका हुन् ।
कमलादीस्थित नेपाल प्रज्ञा भवनमा मंगलबार प्रधानमन्त्रीले खेलाडीलाई विशेष प्याकेजको घोषणा गर्ने राष्ट्रिय खेलकुद परिषद् (राखेप)का सदस्य सचिव रमेशकुमार सिलवालले बताएका छ्न् ।
यो कार्यक्रमको आयोजना र प्रधानमन्त्रीको प्याकेज घोषणा कार्यक्रम राखेपले नै राखेको बताइएको छ ।
सागका पदक विजेता नेपाली खेलाडीलाई दिइने पुरस्कारको बारेमा भने राखेपले हालसम्म खुलाएको छैन ।
सोही कार्यक्रममा बङ्गलादेशमा भएको एभिसी सेन्ट्रल जोन महिला भलिबल प्रतियोगिताको उपाधि विजेता खेलाडीलाई सरकारले यसअघि घोषणा गरेको जनही तीन लाख रुपैयाँबाट खेलाडीलाई पुरस्कृत गरिन लागिएको हो ।
