काठमाण्डौ: श्रीलंकाका पूर्वक्रिकेटर मुथैया मुरलीथरन गभर्नरमा नियुक्त भएका छन् ।
सन् २०१० मा टेस्ट क्रिकेटबाट सन्यास लिएका मुथैयाले राजनीतिक यात्रा सुरु गरेका थिए ।
श्रीलंकाका राष्ट्रपति गोटावाया राजापाक्षले मुथैयालाई तमिल समुदायको बाहुल्यता रहेको श्रीलंकाको उत्तरी प्रान्तको गभर्नरमा नियुक्त गरेको स्थानीय सञ्चार माध्यमहरुले जनाएका छन् ।
४७ वर्षीय पूर्वक्रिकेटर मुरलीथरनले १ सय ३३ टेस्टमा ८ सयभन्दा बढी विकेट लिएको रेकर्ड छ।
यस्तै मुथैयाले ३ सय ५० एकदिवसीय क्रिकेटमा ५ सय ३४ विकेट र टी-२० क्रिकेटमा १२ खेलमा १३ विकेट लिएका छन् ।
