काठमाण्डौं: १३ औं दक्षिण एसियाली खेलकुद (साग) एथ्लेटिक्स अन्तर्गतको ५ हजार मिटर दौडमा नेपालले स्वर्ण जितेको छ ।
शुक्रबार त्रिपुरेश्वरस्थित दशरथ रंगशालामा भएको ५ हजार मिटर दौडमा नेपालका गोपीचन्द्र पार्कीले निर्धारित दुरी १४ मिनेट ५४.२० सेकेन्डमा पूरा गर्दै स्वर्ण जितेका हुन् ।
६ देशका १० जना खेलाडीको सहभागीता रहेको ५ हजार मिटर दौड्मा नेपालका गोपिले स्वर्ण जितेका हुन् ।
त्यस्तै नेपालका हरिकुमार रिमालले १४ मिनेट ५७.०५ सेकेन्डमा दौड पुरा गर्दै कास्य जिते ।
प्रतिस्पर्धामा भारतका सुनिल दवारले १४ मिनेट ५५.२१ सेकेन्डको समयसहित रजत जित्न सफल भए ।
