काठमाण्डौ: नेपालमा जारी १३औं दक्षिण एशियाली खेलकूद (साग) अन्तर्गत कबड्डीकाे पुरुष महिला दुवै खेलमा भारत च्याम्पियन बनेको छ ।
साेमबार हल्चोकस्थित सशस्त्र प्रहरी बलको मुख्यालयमा भएको कबड्डी अन्तरगत पुरुषकाे फाइनल खेलमा भारतले श्रीलंकालाई ५१-१८ ले पराजित गर्यो ।
त्यस्तै महिलासँग भएकाे खेलमा भारतले नेपाललाई ५०-१३ ले हराई पुरूष महिला दुबैमा उपाधि हात पारेकाे हाे । सागको कबड्डीमा नेपाली टोली दोश्रो भएको यो पहिलो पटक हो ।
विजेता टिमलाई एक कार्यक्रमबीच राष्ट्रिय खेलकुद परिषद्का सदस्य सचिव रमेशकुमार सिलवालले पुरस्कृत गरे ।
पुरुषमा ५ तथा महिलामा ४ टिमले राउन्ड रोविन लिगका आधारमा प्रतिस्पर्धा गरेका थिए । राउन्ड रोविनमा शीर्ष दुई स्थान हात पार्ने टोलीले पुनः उपाधिका लागि प्रतिस्पर्धा गरेका थिए । कबड्डी मा नेपाली महिला टोलीले रजत पदक जितेको छ ।
