काठमाण्डौ: प्रधानमन्त्री केपी शर्मा ओलीले १३ औं दक्षिण एसियाली खेलकुद प्रतियोगिता सफलतापूर्वक आयोजना गरेकामा सबैलाई धन्यवाद दिएका छन् ।
१३ औं दक्षिण एसियाली खेलकुद प्रतियोगितामा पदक विजेता खेलाडीलाई प्रधानमन्त्री ओलीले बुधबार आफ्नो सरकारी निवास बालुवाटार बोलाएका छन् ।
राष्ट्रिय खेलकुद परिषदका सदस्य सचिव रमेश सिलवालले साग समापनका अवसरमा मन्तव्य दिँदै प्रधानमन्त्री ओलीले खेलाडीहरुलाई बालुवाटार बोलाएको जानकारी दिएका हुन् ।
प्रधानमन्त्री ओलीले सागमा पदक जित्ने खेलाडीलाई पुरस्कार घोषणा गर्ने तयारी रहेको बालुवाटार स्रोतले जनाएको छ ।
प्रधानमन्त्रीले साग समापनका अवशरमा भिडियो सन्देश दिँदै उनले भूकम्पले क्षतिग्रस्त संरचना तयार पारेर साग आयोजना गर्नु ठूलो सफलता भएको बताएका थिए ।
