काठमाण्डौः नेपालमा हालै सम्पन्न १३ दक्षिण एसियाली खेलकुद (साग) मा नेपाललाई पदक दिलाउने खेलाडीहरुलाइ नगर परिक्रमा गराईने भएकाे छ ।
राष्ट्रिय खेलकुद परिषद (राखेप)ले खेलाडी तथा प्रशिक्षकलाई शुक्रबार मध्यान्ह एघार बजे नगर परिक्रमा गराई अभिनन्दन दिने जनाएकाे छ ।
त्रिपुरेश्वरबाट शुरु हुने परिक्रमा न्यूरोड, इन्द्रचोक, रत्नपार्क, सिंहदरबार पुल्चोक, लगनखेल, सातदोबाटो, कोटेश्वर हुँदै सल्लाघारी लगिने छ ।
सल्लाघारीबाट फर्किए पछि कोटेश्वर, बानेश्वर हुँदै राखेपको प्राङ्गण फर्कनेछ ।
१३ औ सागमा नेपालले ५१ स्वर्ण सहित २०६ पदक जितेको थियाे ।
