काठमाण्डौं: नेपाली राष्ट्रिय यू-१९ महिला फुटबल टोली र बहराइन राष्ट्रिय महिला टोलीविच भएको खेल बराबरीमा टुङ्गिएको छ ।
विहिबार राति बहराइनमा भएको मैत्रीपूर्ण खेलमा नेपालले घरेलु टोली बहराइनसँग १–१ गोलको बराबरी खेलेको अखिल नेपाल फुटबल संघ (एन्फा) ले जनाएको छ । नेपालका लागि सविता रानाले १ गोल गरेकी थिए ।
३ मैत्रीपूर्ण खेल खेलेको नेपालले २ खेलमा जित तथा १ खेलमा बराबरी खेलको थियो । नेपालले पहिलो खेलमा बहराइनको यू–१९ टोलीलाई ४–२ गोल अन्तरले पराजित गरेको थियो भने दोस्रो खेलमा नेपालले ३–० को जित निकाल्न सफल भएको थियो ।
