काठमाण्डौं: सातौं प्रधानसेनापति कप अन्तर्राष्ट्रिय महिला फुटबल प्रतियोगितामा १ नम्बर प्रदेश सान्त्वनामा सिमित भएको छ ।
लगनखेलस्थित राजदल गणको खेल मैदानमा भएको खेलमा सिक्किमलाई २-० गोलले पराजित गर्दै प्रदेश १ ले सान्त्वना जितेको हो । प्रदेश १ को तर्फबाट सुनिता तामाङले २ गोल गरेकी थिईन् ।
यसअघि भएको खेलमा प्रदेश १ एपिएफ र त्रिभुवन आर्मीसँग ९–० गोलको समान अंकले हारेको थियो ।
त्यस्तै सिक्किमलाई आर्मीले १०–० र एपिएफले १८–० ले हराएको थियो ।
शुक्रबार भएको अर्को खेलमा त्रिभुवन आर्मी क्लबमाथि ४–२ गोलले को जित निकाल्दै एपिएफ समूह विजेताको रुपमा सेमिफाइनल प्रवेश गरेको हाे । एपिएफले ३ खेलमा ९ अंक जोडेको थियो ।
