काठमाण्डौः नेपाल क्रेडिट एण्ड कमर्स (एनसीसी) बैंकले गत आर्थिक वर्षको वितरण योग्य रकमबाट शेयरधनीको लागि १५ दशमलव ७८९४ प्रतिशत लाभांश वितरण गर्ने घोषणा गरेको छ ।
कम्पनीको पुस ६ गते आइतबार सम्पन्न ७ सय ७७ औं बैठकले १७ प्रतिशत बोनस शेयर र कर प्रयोजनका लागि शून्य दशमलव ७८९४ प्रतिशत नगद लाभांस दिने निर्णय गरेको हो ।
प्रस्तावित उक्त लाभांश नेपाल राष्ट्र बैंकको स्वीकृति तथा बैंकको आगामी वार्षिक साधारण सभाबाट पारित भएपछि मात्र शेयरधनीले पाउनेछन् ।
हाल बैंकको चुक्तापूँजी रू. ८ अर्ब १३ करोड ३८ लाख ४१ हजार रूपैया रहेको छ । १५ प्रतिशत बोनस शेयर वितरण पश्चात बैंकको चुक्तापूँजी रू. ९ अर्ब ३५ करोड ३९ लाख १७ हजार पुग्ने बैकले जनाएको छ ।

