सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

नारायण तिवारीको कथासङ्ग्रह ‘जङ्गबहादुर पनि हाँस्छ ?’ सामूहिक लोकार्पण

२०८३ बैसाख ६, आइतबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौं। कथाकार नारायण तिवारीकृत कथासङ्ग्रह ‘जङ्गबहादुर पनि हाँस्छ ?’ एक समारोहका बीच सार्वजनिक गरिएको छ। शिखा बुक्सद्वारा आयोजित कार्यक्रममा कृतिको सामूहिक लोकार्पण गरिएको हो।

नेपाल प्रज्ञाप्रतिष्ठान, कमलादीमा सम्पन्न कार्यक्रममा प्रमुख समालोचकका रूपमा प्रा. डा. दयाराम श्रेष्ठ रहेका थिए। कार्यक्रम शिखा बुक्सका कार्यकारी निर्देशक पुष्पराज पौडेलको सभापतित्वमा सम्पन्न भएको थियो। प्रस्तुत कृति तिवारीको बाह्रौँ कृति हो।

कार्यक्रममा बोल्दै श्रेष्ठले कथा लेखनका प्राविधिक र ऐतिहासिक पक्षमध्ये ऐतिहासिक पक्षमा केन्द्रित हुँदै तिवारीका कथाहरू सरल भए पनि गम्भीर हुने गरेको बताए। उनले २०३० सालमा प्रकाशित ‘ती सबै मेरा सपना थिए’ लगायतका कृतिको स्मरण गर्दै तिवारीले पूर्वी तराईको परिवेश, सामाजिक परम्परा, कुरीति तथा आधुनिक साइबर संस्कृतिसम्मलाई कथामा समेट्ने गरेको उल्लेख गरे गरे।

कृतिमाथि समीक्षात्मक टिप्पणी गर्दै डा. ज्ञानु अधिकारी ले तिवारीका कथाहरू सरल तर परिष्कृत रहेको बताउँदै सङ्ग्रहभित्रका २७ कथामध्ये ‘जमाना खराब छ’, ‘कुर्ता सुरुवाल’ र ‘टुंग–टुंग’ कथाको विशेष चर्चा गरिन्। उनका अनुसार कथाहरूमा पूर्वी तराई, विशेषतः विराटनगरको परिवेश झल्किने र पुरुष पात्रका कथाहरू प्रमुख रूपमा देखिने विशेषता रहेको छ।

पाठकीय मन्तव्य राख्दै कवि श्यामलले कथाको भाषा, संरचना र प्रस्तुति शैली प्रभावकारी रहेको उल्लेख गरे। उनले कथामा समकालीन समस्या, सामाजिक यथार्थ र मैथिली भाषाको प्रयोग उल्लेखनीय रहेको बताए।

अर्का कथाकार नारायण ढकालले तिवारीका कथाहरू सरलताभित्र गहिरो अर्थ बोकेको उल्लेख गर्दै नेपाली कथा परम्परामा पुष्कर शमशेर, विश्वेश्वरप्रसाद कोइराला र गुरुप्रसाद मैनालीको योगदानसमेत स्मरण गरे।

कार्यक्रममा कृतिकार तिवारीले आफ्नो लेखन यात्राबारे प्रकाश पार्दै उपस्थित सबैप्रति आभार व्यक्त गरेका थिए। उक्त कार्यक्रमको सञ्चालन कवि यादव भट्टराईले गरेका थिए। पुस्तकको मूल्य ५ सय ९५ रुपैयाँ राखिएको छ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

सोलुखुम्बुमा दुई साहित्यकार सम्मानित, आशुकविता प्रतियोगितामा सञ्जीव भण्डारी प्रथम

गोपका पूर्वप्रधानसम्पादक रिजाललाई मदनदास श्रेष्ठ उत्कृष्ट पत्रकारिता सम्मान

अन्तर्राष्ट्रिय साहित्य सम्मेलनमा सहभागी हुन कुलपति नेपाल बंगलादेश प्रस्थान

‘प्रिय कर्णाली’मा कर्णालीको सभ्यता, पहिचान र सामाजिक रूपान्तरणको विमर्श

साहित्यिक गतिविधि ‘डिजिटल’ बनाउन जोड

कविता बाचन गर्दै मनाइयो महाकविको जन्मजयन्ती

पूर्वकुलपति कर्माचार्यलाई सयपत्री राष्ट्रिय सम्मान प्रदान

साहित्यकार मोतीशोभाका पाँच कृति एकैसाथ विमोचित

टीका–गोपाल राष्ट्रिय गीत सङ्गीत पुरस्कार साहित्यकार दाहाललाई

चिनियाँ सांस्कतिक टोली सम्मानित

विमल गुरुङ कृति पुरस्कार भुपिन र जुनुको कृतिलाई

सीमान्त समुदायको भाषा, साहित्य र पहिचान प्रवर्द्धन गर्न जुम्लामा साहित्य सम्मेलन