सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

गण्डकीका ११ सामुदायिक विद्यालय ‘स्टिम ल्याब’ कार्यक्रमका लागि छनोट

२०८३ असोज २०, मंगलबार
शेयर गर्नुहोस:
फन्ट परिवर्तन गर्नुहोस: अ अ अ

कास्की, २० असोजः गण्डकी प्रदेश सरकारले प्रदेशका ११ वटा सामुदायिक विद्यालयमा विज्ञान, प्रविधि, इञ्जिनियरिङ र गणित शिक्षालाई प्रयोगात्मक तथा प्रविधिमैत्री बनाउने उद्देश्यले ‘स्टिम प्रयोगशाला’ स्थापना तथा सञ्चालनका लागि अनुदान दिने भएको छ ।

सामाजिक विकास, युवा तथा खेलकुद मन्त्रालयअन्तर्गत शिक्षा विकास महाशाखाले चालु आर्थिक वर्षका लागि स्वीकृत वार्षिक विकास कार्यक्रम माध्यमिक तहमा ‘स्टिम ल्याब’ स्थापना र सञ्चालन कार्यक्रमअनुसार प्रदेशका ११ विद्यालय छनोट गरेको हो ।

प्रस्ताव पेस गरेका विद्यालयमध्येबाट सोमबार अनुदानका लागि छनोट गरिएको हो । ती विद्यालयले रु चार लाखका दरले अनुदान प्राप्त गर्ने महाशाखा प्रमुख घनश्याम पौडेलले जानकारी दिनुभयो । उहाँका अनुसार ११ विद्यालयका लागि कुल रु ४४ लाख अनुदान उपलब्ध हुनेछ ।

“स्टिम ल्याब स्थापना भएपछि विद्यालय तहमा विज्ञान तथा प्रविधिसम्बन्धी विषयको अध्ययनलाई केबल सैद्धान्तिक ज्ञानमा सीमित नराखी प्रयोग, परीक्षण र अभ्याससँग जोड्न सहयोग पुग्ने अपेक्षा गरेका छौँ”, उहाँले भन्नुभयो ।

विद्यार्थीलाई विज्ञान, प्रविधि, इञ्जिनियरिङ र गणितका विषयमा प्रयोगात्मक रूपमा सिक्ने वातावरण तयार गर्ने उद्देश्यले सरकारले यस्तो कार्यक्रम अघि बढाएको महाशाखा प्रमुख पौडेलले जानकारी दिनुभयो ।

मन्त्रालयले अनुदानका लागि छनोट गरेका विद्यालयमा कास्कीको मादी गाउँपालिका–७ घाचोकस्थित धनुबास कालिका माध्यमिक विद्यालय, गोरखाको धार्चे गाउँपालिका–५ गुम्दास्थित सूर्योदय माध्यमिक विद्यालय र गोरखा नगरपालिका–१० छेबेटारस्थित तारा माध्यमिक विद्यालय छन् ।

यसैगरी, तनहुँको व्यास नगरपालिका–१० दुम्सीस्थित शिव माध्यमिक विद्यालय कार्यक्रममा समेटिएको छ । नवलपुरबाट हुप्सेकोट गाउँपालिका–३ गिरुवारीस्थित सरस्वती संस्कृत तथा साधारण माध्यमिक विद्यालय, मध्यविन्दु नगरपालिका–२ कोल्हुवास्थित कुमारवर्ती माध्यमिक विद्यालय, गैँडाकोट नगरपालिका–३ ढोडेनीस्थित कृष्ण गण्डकी माध्यमिक विद्यालय र हुप्सेकोट गाउँपालिका–९ जुगेपानीस्थित सूर्यज्योति माध्यमिक विद्यालय छनोट भएका छन् ।

बागलुङको बरेङ गाउँपालिका–२ बराहकोटस्थित पुरुषोदय माध्यमिक विद्यालय, म्याग्दीको बेनी नगरपालिका–८ कालीपुलस्थित बालमन्दिर माध्यमिक विद्यालय र स्याङ्जाको फेदीखोला गाउँपालिका–१ मट्टीखानस्थित चण्डीडाँडा माध्यमिक विद्यालयमा प्रयोगशाला स्थापना हुनेछ ।

कार्यक्रमका लागि छनोट भएका विद्यालयले प्राप्त गर्ने अनुदान रकमबाट कार्यक्रमको प्रकृति र आवश्यकताअनुसार प्रयोगशाला स्थापना तथा सञ्चालनका लागि आवश्यक सामग्री, उपकरण तथा अन्य पूर्वाधार व्यवस्थापन गर्नसक्ने मन्त्रालयले जनाएको छ ।

यसबाट विद्यार्थीले आफूले कक्षाकोठामा पढेका विषयलाई प्रयोग तथा अभ्यासमार्फत बुझ्ने अवसर प्राप्त गर्ने भएकाले शिक्षण सिकाइ प्रभावकारी बन्ने विश्वास गरिएको छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

फोहरलाई स्रोतका रूपमा उपयोग गर्न प्रेरित गर्दै ‘आरयू फेस्ट’

विकेन्द्रीकरण विस्तारको तयारीमा त्रिवि

त्रिविले खुलायो M.Ed. र MSSEd विद्यार्थीलाई परीक्षा केन्द्र रोज्ने सुविधा

प्रवासीको सहयोगमा विद्यालय भवन निर्माण

विद्यालयका निम्ति जग्गा खरिद गर्न देउसीभैलोबाट जुट्यो नौ लाख

चिनियाँ दूतावासले बलान बिहुलमा शैक्षिक तथा स्वास्थ्य सामग्री सहयोग

अन्तरराष्ट्रिय शैक्षिक सहकार्य विस्तार गर्न त्रिविद्वारा ‘कन्ट्री फोकल पर्सन’ को आह्वान

टर्कीका शिक्षामन्त्रीसँगै मन्त्री पोखरेलको विद्यालय अवलोकन : बालमैत्री र हरित शिक्षाका अभ्यासबारे चासो

जलवायु अनुकूलनका लागि ‘राष्ट्रिय पाठ्यक्रम प्रारूप’ परिमार्जन गर्दैछौँ: शिक्षामन्त्री पोखरेल

निधि भवन राजर्षी जनक विश्वविद्यालयलाई हस्तान्तरण

गाउँमै उद्यम र रोजगारी सिर्जना गर्ने सम्भावना खोज्दै विद्यार्थी

त्रिविको जग्गा फिर्ता ल्याउनेदेखि शैक्षिक वातावरण सुधार्नेसम्मका विषयमा मन्त्रालयको चासो